అమితాబ్ కంటే మహేశ్ గొప్ప నటుడు' అంటూ ఇటీవల రాంగోపాల్‌వర్మ చేసిన కామెంట్‌ను మంచి కాంప్లిమెంట్ గానే భావిస్తానే కానీ, దాన్ని నిజమనుకోననీ, దాన్ని నమ్మితే తనంత ఫూలిష్ మరొకరు ఉండరనీ అన్నారు హీరో మహేశ్. అమితాబ్ లెజండ్ అనీ, ఆయనతో తనకు పోలికే లేదనీ అన్నారు. 'దూకుడు', 'బిజినెస్‌మేన్' వంటి వరుస హిట్లతో జోరుమీదున్న ఆయన చెప్పిన కొన్ని కబుర్లు.

'దూకుడు' లాంటి పెద్ద హిట్ తర్వాత 'బిజినెస్‌మేన్' రూపంలో మరో బ్లాక్‌బస్టర్ రావడం చాలా హేపీ. అదే సమయంలో బాధ్యత కూడా పెరిగింది. 'పోకిరి' అంత పెద్ద హిట్టయిన తర్వాత కొంత కన్‌ఫ్యూజన్‌లో పడ్డా. దాని మేజిక్‌ని రిపీట్ చెయ్యాలని కొన్ని తప్పులు చేశా. దాన్నుంచి బయటకు రావడానికి కొంత గ్యాప్ తీసుకున్నా. యాక్టర్‌గా 'ఖలేజా' డిఫరెంట్ ఎక్స్‌పీరియెన్స్ ఇచ్చింది. ఆ తర్వాత 'దూకుడు', ఇప్పుడు 'బిజినెస్‌మేన్' వంటి బ్లాక్‌బస్టర్స్ వచ్చాయి.

అరుదుగా వచ్చే పాత్ర.

'బిజినెస్‌మేన్' కొత్త ఫార్మట్లో వచ్చిన చిత్రం పెద్దగా పేడింగ్ వంటివి లేకుండా ఒక కేరక్టర్ దృష్టికోణం నుంచే నడిచే సినిమా. ఇది నాకు ఛాలెంజింగ్ కేరక్టర్. చాలా అరుదుగా మాత్రమే ఇలాంటి పాత్రలు వస్తాయి. ఆ కేరక్టర్‌తో నేను బాగా కనెక్టయ్యా. అందులో చాలా ఫైర్ ఉంది. కెమెరా క్లోజప్‌ల మీదే ఎక్కువగా నడుస్తుంది. అది చెయ్యడం కష్టం. చేసి మెప్పించినందుకు హేపీ. డైలాగులు కానీ, కంటెంట్ కానీ కాంట్రవర్సీ అవుతాయనుకుంటే అసలు ఈ సినిమా చేసే వాళ్లమే కాదు. చాలా నిజాయితీగా ఈ సినిమా చేశాం. 'బిజినెస్‌మేన్' ఇంత హిట్టవడానికి కారణం నిర్మాత వెంకట్ గారి ప్లానింగ్. రెండు వేల థియేటర్లలో ఆయన రిలీజ్ చేయడం వల్ల తొలి వారం వచ్చిన కలెక్షన్లకు మతిపోయింది.

ఫెంటాస్టిక్ స్క్రిప్ట్....
శ్రీకాంత్ అడ్డాల దర్శకత్వంలో చేస్తున్న 'సీతమ్మ వాకిట్లో సిరిమల్లె చెట్టు' పూర్తిగా భిన్నమైన చిత్రం. అది నాకు తొలి సినిమా వంటింది. శ్రీకాంత్ చెప్పిన స్క్రిప్ట్ వినగానే ఎగ్జయిటయ్యా. ఫెంటాస్టిక్ స్క్రిప్ట్. వెంకటేశ్‌గారితో కలిసి నటిస్తుండటం చాలా సంతోషంగా ఉంది. ఇది వచ్చే దసరాకు విడుదలవుతుంది. అలాగే సుకుమార్ డైరెక్షన్‌లో చేయబోతున్నది కూడా వేరియేషన్ ఉన్న సినిమా. ఇది 2013 సంక్రాంతికి వస్తుంది.

రీమేక్స్ ఇష్టం లేదు....
మణిరత్నం దర్శకత్వంలో చెయ్యాలనేది నా కల. ఆయనతో ఓ తమిళ సినిమా చేసే అవకాశమొచ్చి మిస్సయింది. వ్యక్తిగతంగా నాకు రీమేక్స్ చెయ్యడం ఇష్టంలేదు. అప్పటికే మరొకరు చేసిన పాత్రను చెయ్యడం నాకిష్టం ఉండదు. '3 ఇడియట్స్' రీమేక్‌ని శంకర్ కోసమే చేద్దామనుకున్నా. కానీ 'దూకుడు' కాల్షీట్లకు అడ్డం వస్తుండటంతో వదులుకున్నా. అలాగే నాన్నగారు చేసిన సినిమాల్ని కూడా రీమేక్ చెయ్యాలనే ఉద్దేశం లేదు.అవి గొప్ప సినిమాలు.

అది చదివి పోగతాగడం మానేశా.....
నేను చాలా సింపుల్ పర్సన్. షూటింగుంటే వెళ్లడం, లేదంటే ఇంట్లో గడపడం. ఎప్పుడో కానీ బయటకు వెళ్లను. నా ఫేవరేట్ హాలీడే స్పాట్స్ గోవా, న్యూజిలాండ్. 'ద ఈజీ వే టు స్టాప్ స్మోకింగ్' అనే పుస్తకం చదివి, పొగతాగడం మానేశా. టాప్ యాక్టర్లు పోగ తాగడాన్ని ప్రోత్సహించకూడదనేది నా అభిప్రాయం. అభిమానులు వాళ్లని అనుకరిస్తారు కాబట్టి అలాంటి వాటికి హీరోలు దూరంగా ఉండాలి.