మీనాక్షీ స్తోత్రమ్

Posted: 03/08/2014 03:23 PM IST

1. శ్రీవిద్యే శివవామభాగనిలయే శ్రిరాజరాజార్చితే 

శ్రీనాథాదిగురుస్వరూపవిభవే చింతామణీ పీఠికే !

శ్రీవాణీ గిరిజానుతఙ్ఘ్రి కమలే శ్రీశామ్భవి శ్రీశివే 

మధ్యాహ్నే మలయధ్వజాధిపనుతే మాం పాహి మీనామ్బికే !!

 

2. చక్రస్థేఁచపలే చరాచరజగన్నాథే జగత్పూజితే 

ఆర్తాలీవరదే నతాభయకరే వక్షోజభారాన్వితే !

విద్యే వేదకలాపమౌళివిదితే విద్యుల్లతావిగ్రహే 

మాత: పూర్ణసుధారసార్ధ్రహృదయే మాం పాహి మీనామ్బికే !!

 

3. కోటీరాంగదరత్న కుణ్ణలధరే కోదణ్ణబాణాఞ్చితే 

కోకాకారకుచద్వయోపరిలసత్ప్రాలమ్బిహారాఞ్చితే !

శిఞ్జన్నూ పురపాదసారసమణి శ్రీపాదుకాలఙ్కృతే 

మద్దారిద్ర్య భుజఙ్గగారుడఖగే మాం పాహీ మీనామ్బికే !!

 

4. బ్రహ్మేశాచ్యుతగీయమానచరితే ప్రేతాసనాన్తస్థితే 

పాశోదఙ్కశ చాపబాణకలితే బాలేన్దుచూడాఞ్చితే !

బాలే బాలకురఙ్గలోలయనయనే బాలార్కకోట్యుజ్జ్వలే 

ముద్రారాధితదేవతే మునిసుతే మాం పాహీ మీనామ్బికే !!

 

5. గన్ధర్వామరయక్షపన్న గనుతే గంగాధరాలిఙ్గితే 

గాయత్రీగరుడాసనే కమలజే సుశ్యామలే సుస్థితే !

ఖాతీతే ఖలదారుపావకశిఖే ఖద్యోతకోట్యుజ్జ్వలే 

మాన్త్రారాధితదేవతే మునిసుతే మాం పాహీ మీనామ్బికే !!

 

6. నాదే నారదతుంబురాద్యవినుతే నాదాంతనాదాత్మిక 

నిత్యే నీలలతాత్మికే నిరుపమే నీవారశూ కోపమే !

కాస్తే కామకలే కదమ్బనిలయే కామేశ్వరాఙ్కస్థితే 

మద్విద్యే మదభీష్టకల్పలతికే మాం పాహీ మినామ్బికే !!

 

7. వీణానాదనిమీలితార్థనయనే విస్రస్థచూలీభరే 

తామ్బూలారుణపల్ల వాధరయుతే తాటఙ్కహారాన్వితే !

శ్యామే చన్ద్రకలావతంసకలితే కస్తూరికాఫాలికే 

పూర్ణే పూర్ణకలాభిరామవదనే మాం పాహీ మీనామ్బికే !!

 

8. శబ్ద బ్రహ్మమయీ చరాచరమయీ జ్యోతిర్మయీ వాఙ్మయీ 

నిత్యానన్దనమూ నిరంజనమయీ తత్త్వంమయీ చిన్మయీ !

తత్త్వాతీతమయీ పరాత్పరమయీ మాయామయీ శ్రీమయీ 

సర్వైశ్వర్యమయీ సదాశివమయీ మాం పాహీ మీనామ్బికే !!