కాలక్రమంలో జరుగుతున్న వాతావరణ పరిస్థితులు... మారుతున్న రాజకీయ పరిణామాలు... సాధారణ మానవుల్లో వస్తున్న మార్పులు... తదితర విషయాల మీద దీర్ఘాలోచన చేసి కొంతమంది వ్యంగ్యంగా తమ అభిప్రాయాలను తెలిపేవారు. అలాగే మరికొంతమంది వ్యంగ్యంగా చిత్రాలు గీస్తూ సంచలనం సృష్టించేవారు. అటువంటివారిలో ఆర్.కె.లక్ష్మణ్ కూడా ఒకరు. భారతదేశంలో ఎంతోమంది పేరు తెచ్చుకున్న వ్యంగ్య చిత్రకారుల్లో ఈయన ఒకరు. కొన్ని దశాబ్దాల నుంచి కేవలం ఒకే పత్రికలో పనిచేస్తూ.. తన కార్టూన్లకు ఒక ప్రత్యేకతను సంతరించుకున్నాడు ఈ వ్యక్తం! ముఖ్యంగా ఈయన రాజకీయ నాయకులు మీద, రాజకీయ పరిణామాల మీదే ఎక్కువ వ్యంగ్యంగా చిత్రాలు వేస్తుంటాడు. వీటన్నిటికంటే ఈయన సృష్టించిన సామాన్య వ్యక్తి పాత్ర కార్టూన్లే చరిత్రలో ప్రత్యేకంగా నిలిచిపోయాయి.
జీవితచరిత్ర :
1924 అక్టోబర్ 23వ తేదీన మైసూర్ నగరంలో ఒక తమిళ కుటుంబంలో జన్మించారు. ఇతని తండ్రి పాఠశాల ప్రధానోపాధ్యయుడు... ఈయన ఆరుగురి సంతానంలో లక్ష్మన్ చిన్నవాడు! లక్ష్మణ్ అసలు పేరు రాశిపురం కృష్ణస్వామి అయ్యర్ లక్ష్మణ్! ఇంకా చదువుకోకముందే లక్ష్మణ్ బొమ్మల పుస్తకాలను, బొమ్మలను చిత్రీకరించే ఆంగ్లపత్రికలను ఎక్కువగా చూస్తుండేవాడు. అలా బొమ్మల పుస్తకాలూ చూస్తూ బొమ్మలు వేయడం ప్రారంభించాడు. చివరికి తన ఉపాధ్యాయుల వ్యంగ్య చిత్రాలను కూడా గీసి, తన తోటి విద్యార్థులను నవ్వించేవాడు. ఇతడు వేసిన బోధి వృక్షం ఆకు బొమ్మను వీరి టీచర్లు కూడ మెచ్చుకున్నారు. ఇక అప్పటినుంచి తానొక చిత్రకారుడనే భావనను పెంచుకున్నాడు.
హైస్కూలు తరువాత ముంబాయిలోని జె.జె ఇన్సిట్యూట్ ఆఫ్ అప్లైడ్ ఆర్ట్ (J J Institute of Applied Art)కు అందులో చేరి బొమ్మలు వేయటం నేర్చుకోవడంకోసం దరఖాస్తు పంపుకున్నాడు. కానీ అతను వేసిన బొమ్మలు చూసి ఆ పాఠశాల ప్రధాన అధికారి ‘‘అటువంటి బొమ్మలు వేసేవాడు మన పాఠశాలలో విద్యార్థిగా తగడు’’ అంటూ చేర్చుకోలేదని సమాచారం! ఇంకొక విచిత్రమైన విషయం ఏమిటంటే.. ప్రస్తుతం ఈయన పనిచేస్తున్న కార్యాలయానికి పక్కనే ఆ స్కూలు వుంది. తర్వాత మైసూర్ విశ్వవిద్యాలయం నుంచి బి.ఏ. చవిది పట్టభద్రుడయ్యాడు. చదువుకునే రోజుల్లోనే ఇతను ఫ్రీలాన్స్ చిత్రకారునిగా పనిచేశాడు.
సామాన్య మానవుని సృష్టి
ఇప్పటివరకు భారతదేశ కార్టూన్ రంగచిత్రంలో ఎన్నో పాత్రలు సృష్టించబడ్డాయి కానీ.. లక్ష్మణ్ సృష్టించిన సామాన్య మానవుడు ఒక ప్రత్యేక గుర్తింపు తెచ్చుకుంది. అతను గీసిన దాదాపు రాజకీయ వ్యంగ్య చిత్రాల్లోనూ సామాన్య మానవుడు దర్శనమిస్తాడు. ఈ సామన్య మానవుడి కార్టూన్ ఎంత ప్రసిద్ధి చెందిందంటే.. ముంబాయిలో వర్లీ సముద్ర తీరంలో ఒక లోహ విగ్రహం ప్రతిష్టించారు. భారతదేశ చరిత్రలోనే ఒక కార్టూన్ పాత్రకు విగ్రహం వుండటం ఇదే మొదటిసారి!
మరికొన్ని విషయాలు :
1983లో బెంగుళూరులో నిర్వహించిన ఒక కార్యక్రమంలో లక్ష్మణ్ హాజరైనప్పుడు అక్కడ ఒక పత్రికా విలేఖరి.. ‘‘ఇప్పటికీ మీరు కార్టూన్లు వెయ్యటంలో ఆనందం పొందుతున్నారా?’’ అని ప్రశ్నించాడు. దానికి ఆయన చిరునవ్వుతో సమాధానమిస్తూ.. ‘‘ఇదేం ప్రశ్న? తప్పకుండా ఆనందిస్తున్నాను.. నాకు ఇది పుట్టుకతో వచ్చిన విద్య’’ అని చెప్పాడు. ఇతను ముఖ్యంగా రాజకీయ నాయకుల కార్టూన్లు వేసి వారిని ఆటపట్టించేవాడు. ఇతను రాజకీయ నాయకులను తన కార్టూన్ల ద్వారా ఎంత ఆటపట్టించినా.. ఈయనంటే వారందరికీ ఎంతో గౌరవం! అందుకు ఉదాహరణగా.. 2003లో లక్ష్యణ్ తీవ్ర అస్వస్థతకు గురైనప్పుడు దేశంలో వుండే హేమాహేమీలందరూ ఆయనను ఎప్పటికప్పుడు పరామర్శించాడు. అప్పటి ఉపరాష్ట్రపతి భైరవ్ సింగ్ షేకావత్ కూడా కలిశారు.
(And get your daily news straight to your inbox)
Mar 10 | స్వాతంత్ర్యం వచ్చి 75 ఏళ్లు పూర్తయిన ఈ అఖండ భారతావనిలో ఎదుటివాడి గురించి ఆలోచించేవాడు ఎవ్వడూలేడు. కళ్లెదుటే నేరాలు జరుగుతున్నా వాటిని ఎదుర్కోవడానికి ఎవ్వరూ సాహసించరు. ఎవరికి అన్యాయం జరిగినా.. మనం జోక్యం చేసుకుంటే... Read more
Jan 19 | పేద, పెద్ద అన్న తారతమ్యాలు లేకుండా ఆకలి అన్న అర్తనాధం వినిపించనంతనే వారిని దరిచేర్చుకుని కడుపారా అన్నంపెట్టి మహర్షి, సమర్ధసద్గురు, అవదూత, భగవాన్ శ్రీ కాశీనాయన. క్షుద్భాదను ఎవరూ అనుభవించరాదని ప్రజలకు హితబోధ చేశారు... Read more
Oct 02 | తెలంగాణ ఉద్యమానికి ఆది గురువు. తెలంగాణ ఉద్యమంలో క్రీయాశీలక పాత్ర పోషించిన తెలంగాణ గాంధీ, బోళతనానికి నిలువుటద్దం కొండా లక్ష్మణ్ బాపూజీ. తన జీవితమంతా తెలంగాణ పక్షమే వహించారు. చివరి నిముషం వరకు తెలంగాణ... Read more
Jun 21 | తెలంగాణ సిద్ధాంతకర్త, జాతిపిత ప్రొఫెసర్ కొత్తపల్లి జయశంకర్.. ప్రత్యేక రాష్ట్ర అవిర్భావానికి వేసిన ప్రణాళికలు.. ఉద్యమానికి ఇచ్చిన సూచనలు.. అసలు తెలంగాణ ఎందుకు అన్న ప్రశ్నలకు తెలంగాణవాదులందరూ బుదలిచ్చే విధంగా.. రాసిన పుస్తకాలు దోహదం... Read more
Jan 23 | భారత స్వతంత్ర్య పోరాటంలో ఆయన ఓ విప్లవాత్మక నాయకుడు. శాంతమంత్రి జపిస్తూ చేతులు కట్టుకుని కూర్చుంటే.. కాలయాపన చేస్తూ పబ్బం గడుపుకునే బ్రీటీష్ వారికి.. స్వతంత్ర్యం చేకూరే దశలో తిరుగుబాటు బావుటా రుచి చూపించిన... Read more