హాన్య నటునిగా రెండు దశాబ్దాల పాటు ప్రేక్షకుల్ని తన 'సుత్తి'తో తెగ నవ్వించిన సుత్తి వేలు అనంతరం కాలంలో కరుణ రసాత్మక, విషాద పాత్రలతో ఏడిపించినట్లే ఇప్పుడు తనను ప్రేమించే ఎంతోమందిని ఏడిపిస్తూ భౌతికంగా దూరమైపోయారు. ఎనభైలలో తెలుగు ప్రేక్షకుల్ని తమదైన హాస్యంతో నవ్వుల జడివానల్లో ముంచెత్తిన 'సుత్తి జంట'లో రెండో వారైన సుత్తి వేలు (65) మరణంతో ఆ జంట శకం పూర్తిగా ముగిసింది. తెలుగు సినిమా ఓ చక్కని కళాకారుణ్ణి కోల్పోయింది. తెరమీద హాస్యంతో అందర్నీ నవ్వించిన సుత్తి వేలు ఇప్పుడు వారందన్నీ విషాదంలో ముంచేస్తూ కానరాని లోకాలకు తరలిపోయారు. సుత్తి జంటలో మొదటివారైన సుత్తి వీరభద్రరావు ఎన్నడో 1988లోనే మృతి చెందిన సంగతి చాలామందికి తెలిసిందే. కొంతకాలంగా అనారోగ్యంతో బాధపడుతూ ఆదివారం తెల్లవారు ఝామున నిద్రలోనే గుండెపోటుకు గురై ఇహలోకాలకు తరలిపోయిన సుత్తివేలు అసలు పేరు కురుమద్దాలి లక్ష్మీనరసింహారావు.
సుత్తి వేలు స్వస్థలం కృష్ణా జిల్లాలోని మచిలీపట్నం. 1947 ఆగస్టు 7న జన్మించిన ఆయనకు చిన్నతనంలో చదువు అబ్బలేదు. సెవన్త్ ఫామ్ రెండోసారి కానీ గట్టెక్కలేకపోయారు. ఆయన దృష్టి ఎక్కువగా రంగస్థలం మీదే. సుమారు ఓ దశాబ్దం పాటు నాటకాల్లో నటించిన ఆయన జంధ్యాల దర్శకత్వంలో వచ్చిన 'ముద్దమందారం' (1981) చిత్రంతో సినిమాల్లో కాలుపెట్టారు. జంధ్యాలతో వేలు అనుబంధం ఎంతటిదంటే ఆ తర్వాత ఆయన తీసిన దాదాపు అన్ని చిత్రాల్లోనూ వేలు నటించారు. ఇక వీరభద్రరావుతో అనుబంధం అయితే మరింత గట్టిది. కమెడియన్గా వేలు మంచి పరిణతి సాధించడంలో వీరభద్రరావు సూచనలు ఎంతో ఉపకరించాయి.
సుత్తి బ్రదర్స్గా అందరికీ పరిచయం ఉన్న నటులు సుత్తి వీర భద్రరావు, సుత్తివేలు, సుత్తి వీరభద్రరావు చాలాకాలం కిందట దివికేగితే.... ఆ జంటలో ఒక్కరైన సుత్తివేలు తనదైన చక్కని హాస్యంతో, టైమింగ్ పంచ్ డైలాగ్లతో ఈ తరం ప్రేక్షకులను కూడా అలరించారు. ఏడేళ్ల వయసులోనే రంగస్థలంపై ఎంట్రీ ఇచ్చిన సుత్తివేలు అనందోబ్రహ్మతో బుల్లితెరపై కనిపించి కడుపుబ్బా నవ్వించారు. టైమింగ్తో ఆకట్టుకునే సుత్తివేలుకు 1985లో వచ్చిన వందేమాతరం సినిమాలో నటనకు గాను ఉత్తమ సహాయనటుడిగా నంది అవార్డు అందుకున్నారు.
ఎప్పుడూ హాస్యప్రధానంగా కనబడే క్యారెక్టర్లో కాకుండా వందేమాతరం, ప్రతిఘటన ఇలాంటివి ఎన్నో సీరియస్నెస్ ప్త్రాల్లోనూ పరకాయప్రవేశం చేసి తానేంటో తెలుగు ప్రేక్షకులకు చూపించారు. ఆ అభిమానమే నంది అవార్డు వరకూ తీసుకెళ్ళింది. సుత్తివేలుకు అవసరానికి తగిన, సాదాసీదాగా జీవించడానికి అవసరమైన డబ్బును భగవంతుడు తనకు ఇచ్చాడని మురిసిపోయేవారు. హాస్య నటునిగా ఆయనకు పేరు తెచ్చిన చిత్రాల్లో రెండు జెళ్ల సీత, శ్రీవారికి ప్రేమలేఖ, బాబాయ్ అబ్బాయ్, రెండు రెళ్లు ఆరు, చంటబ్బాయ్, దొంగమొగుడు, యముడికి మొగుడు, అప్పుల అప్పారావు, గీతాంజలి వంటి సినిమాలున్నాయి. ఆయన ఆత్మకు శాంతి చేకూరలని యావత్తు సినీ ప్రేక్షకుడు కోరుకుంటున్నాడు.
(And get your daily news straight to your inbox)
Mar 10 | స్వాతంత్ర్యం వచ్చి 75 ఏళ్లు పూర్తయిన ఈ అఖండ భారతావనిలో ఎదుటివాడి గురించి ఆలోచించేవాడు ఎవ్వడూలేడు. కళ్లెదుటే నేరాలు జరుగుతున్నా వాటిని ఎదుర్కోవడానికి ఎవ్వరూ సాహసించరు. ఎవరికి అన్యాయం జరిగినా.. మనం జోక్యం చేసుకుంటే... Read more
Jan 19 | పేద, పెద్ద అన్న తారతమ్యాలు లేకుండా ఆకలి అన్న అర్తనాధం వినిపించనంతనే వారిని దరిచేర్చుకుని కడుపారా అన్నంపెట్టి మహర్షి, సమర్ధసద్గురు, అవదూత, భగవాన్ శ్రీ కాశీనాయన. క్షుద్భాదను ఎవరూ అనుభవించరాదని ప్రజలకు హితబోధ చేశారు... Read more
Oct 02 | తెలంగాణ ఉద్యమానికి ఆది గురువు. తెలంగాణ ఉద్యమంలో క్రీయాశీలక పాత్ర పోషించిన తెలంగాణ గాంధీ, బోళతనానికి నిలువుటద్దం కొండా లక్ష్మణ్ బాపూజీ. తన జీవితమంతా తెలంగాణ పక్షమే వహించారు. చివరి నిముషం వరకు తెలంగాణ... Read more
Jun 21 | తెలంగాణ సిద్ధాంతకర్త, జాతిపిత ప్రొఫెసర్ కొత్తపల్లి జయశంకర్.. ప్రత్యేక రాష్ట్ర అవిర్భావానికి వేసిన ప్రణాళికలు.. ఉద్యమానికి ఇచ్చిన సూచనలు.. అసలు తెలంగాణ ఎందుకు అన్న ప్రశ్నలకు తెలంగాణవాదులందరూ బుదలిచ్చే విధంగా.. రాసిన పుస్తకాలు దోహదం... Read more
Jan 23 | భారత స్వతంత్ర్య పోరాటంలో ఆయన ఓ విప్లవాత్మక నాయకుడు. శాంతమంత్రి జపిస్తూ చేతులు కట్టుకుని కూర్చుంటే.. కాలయాపన చేస్తూ పబ్బం గడుపుకునే బ్రీటీష్ వారికి.. స్వతంత్ర్యం చేకూరే దశలో తిరుగుబాటు బావుటా రుచి చూపించిన... Read more