పెళ్లాన్ని ఏలుకోలేని మోదీ.. దేశాన్ని ఏలుతారా? : నారాయణ

Posted: 05/15/2015 12:56 PM IST

‘నారాయణ.. నారాయణ..’ ఈమధ్య మీడియాలో ఈ పేరు బాగానే నలుగుతోంది. అప్పటివరకు ప్రశాంతంగా వుండే వాతావరణం ఈ పేరు వినగానే సంచలనంగా మారుతోంది. ఏ విధంగా ‘నారదుడు’ నోరుమెదిపితే విష్ణాదిదేవతలు వణికిపోతారో.. అదేవిధంగా ప్రస్తుత భూలోకంలో ‘నారాయణ’ పేరు వినగానే రాజకీయ నేతలు భగ్గుమంటున్నారు. ఇప్పుడు ఇదంతా ఎందుకు చర్చించుకోవాల్సి వచ్చిందంటే.. రాజకీయ నాయకుల మీద ఎప్పుడూ ఏదో ఓ సంచలన వ్యాఖ్య చేస్తూ మీడియాలో నిలిచే సీపీఐ జాతీయ కార్యదర్శి నారాయణ.. మరోసారి తన వాక్చాతుర్యాన్ని ప్రదర్శించి వివాదాస్పదం సృష్టించారు.

సీపీఐ నారాయణ తాజాగా ప్రధాని నరేంద్రమోడీ మీద తీవ్ర పదజాలంతో తీవ్రస్థాయిలో విరుచుకుపడ్డారు. కట్టుకున్న పెళ్లాన్నే ఏలుకోలేని మోడీ.. దేశాన్ని ఏలగలుగుతారా? అంటూ ప్రశ్నించారు. తన భర్త పిలిస్తే ఆయన వద్దకు వెళతానంటూ మోడీ భార్య చెప్పినప్పటికీ.. ఆయన మాత్రం పట్టించుకోవడం లేదని ఎద్దేవా చేశారు. మోడీపై ఈ విధంగా వ్యాఖ్యలు చేసిన నారాయణ.. రెండు తెలుగురాష్ట్రాల చంద్రుల కుమారులైన కేటీఆర్, లోకేష్ లను కూడా టార్గెట్ చేస్తూ విమర్శించారు. తెలుగు ముఖ్యమంత్రుల పిల్లలు క్లాసికల్ బెగ్గర్స్ లా అమెరికాలో తిరుగుతున్నారని.. వారు చప్రాసీలుగా కూడా పనికిరారని తీవ్ర వ్యాఖ్యలు చేశారు.