బీజేపీ అసలు రంగు బయటపడింది : సోనియా

Posted: 04/02/2015 06:10 PM IST

కాంగ్రెస్ పార్టీ అధ్యక్షురాలు సోనియాగాంధీపై బీజేపీ నేత, కేంద్ర చిన్న, మధ్య తరహా ప్రభుత్వ రంగ సంస్థల శాఖ సహాయ మంత్రి గిరిరాజ్ సింగ్ వివాదాస్పద వ్యాఖ్యలు చేసిన విషయం తెలిసిందే! ఆమె రంగుపై గిరిరాజ్ చేసిన వ్యాఖ్యలపై ఎందరో నేతలు అభ్యంతరం వ్యక్తం చేశారు. ఇక ఇదే విషయమై సోనియాగాంధీ స్పందించారు. తన రంగుపై చేసిన వ్యాఖ్యలు బీజేపీ అసలు రంగును బయటపెట్టాయని ఆమె పేర్కొన్నారు.ఢిల్లీలో ఆమె మాట్లాడుతూ..

* ప్రజల్లోకి ఎలా వెళ్లాలో అర్థం కాక బీజేపీ నేతలు చవకబారు వ్యాఖ్యలు చేస్తున్నారని సోనియా అన్నారు.
* ప్రజల, రైతుల హక్కులను లాగేసుకునేందుకు ప్రయత్నిస్తున్న బీజేపీ.. వారి దృష్టి మళ్లించేందుకు ఇలాంటి వ్యాఖ్యలు చేస్తోందని అన్నారు.
* బీజేపీ కుట్రను పసిగట్టిన తాము ఇలాంటి చవకబారు విమర్శలపై స్పందించబోమని అన్నారు.
* తమకు ప్రజలు, రైతుల ప్రయోజనాలే ముఖ్యమని ఆమె స్పష్టం చేశారు.
* కేంద్రం భూసేకరణ బిల్లుతో ప్రజలను నిలువునా ముంచే ప్రయత్నం చేస్తోందని, దాన్ని అడ్డుకోవాలని లక్ష్యంతో తాము పనిచేస్తున్నామని సోనియా తెలిపారు.