కేసీఆర్ జనం రక్తం పీలుస్తున్న జలగ..

Posted: 03/07/2015 03:13 PM IST

నిత్యం టీఆర్ఎస్, ఆ పార్టీ నేతలపై వివాదాస్పద వ్యాఖ్యలు చేస్తూ నిప్పులు చెరిగే టీటీఎల్పీ ఉపనేత రేవంత్ రెడ్డి.. మరోమారు తెలంగాణ సీఎం కేసీఆర్ పై విరుచుకుపడ్డారు. జనం రక్తాన్ని పీలుస్తున్న జలగలా కేసీఆర్ మారారని ఆయన ఆరోపించారు. అసెంబ్లీ సమావేశాలు ప్రారంభమవుతున్న నేపథ్యంలో మీడియాలో మాట్లాడిన ఆయన.. కేసీఆర్ సర్కారుపై విమర్శల వర్షాన్ని కురిపించారు.

తెలంగాణ పేరిట ఇంకా ప్రజలకు కేసీఆర్ సర్కార్ మభ్యపెడుతూనే వుందని, తెలంగాణ ప్రభుత్వం మాటల ప్రభుత్వంగా మారిపోయిందని రేవంత్ రెడ్డి నిప్పులు చెరిగారు. రైతు సమ్యసలపై సర్కారును నిలదీయనున్నామని పేర్కొన్న ఆయన.. కరువు, నీటి సమస్య, అవినీతి అంశాలపై ప్రధానంగా పోరు సాగిస్తామని చెప్పారు. కేసీఆర్ కేవలం మాటలతోనే సరిపెడుతున్నారని, చేతలతో ఇంకా చేసి చూపించింది ఏమీ లేదంటూ ఆయన ఎద్దేవా చేశారు.

అలాగే.. టీడీపీ నుంచి టీఆర్ఎస్ పార్టీలోకి చేరిన ముగ్గురు ఎమ్మెల్యేల అనర్హత వేటుపై గవర్నర్ నరసింహన్ కూడా జోక్యం చేసుకోవాలని ఆయన డిమాండ్ చేశారు.