కేసీఆర్ కు మూల్యం తప్పదు

Posted: 09/29/2014 12:41 PM IST

తెలంగాణ ముఖ్యమంత్రి కేసీఆర్ పై రాష్ర్ట సీపీఐ కార్యదర్శి చాడ వెంకట్ రెడ్డి మండిపడ్డారు. కేసీఆర్ ఇష్టారాజ్యంగా పాలన చేస్తున్నారని విమర్శించారు. పండగల పేరుతో ప్రజాధనం వృధాచేస్తున్నారని దుయ్యబట్టారు. సాధారణంగా ఇళ్ళలో జరుపుకునే పండగలను అధికారికంగా నిర్వహిస్తూ ప్రజాదనం కొల్లగొడుతున్నారని ద్వజమెత్తారు. ప్రభుత్వ పాలన కంటే ఇతర అంశాలపైనే ఎక్కువగా దృష్టిపెట్టి సమయం వృధా చేస్తున్నారని విమర్శించారు. తెలంగాణ విధానాలపై చాడా ఏమన్నారంటే..,

* తెలంగాణలో విద్యుత్ సమస్య తీవ్రంగా ఉంది.
* విద్యుత్ కోతలతో రైతులు తీవ్రంగా ఇబ్బంది పడుతున్నారు.
* రైతులకు కలిగే నష్టాలకు కేసీఆర్ బాధ్యుడు.
* రైతుల విషయంలో కేసీఆర్ మూల్యం చెల్లించుకోక తప్పదు.
* కరెంటు కోతలతో ప్రజలు అల్లాడుతున్నారు.
* నగరాల్లో కూడా 4-6గంటలు కరెంటు కోతలు విధిస్తున్నారు.
* ఇళ్ళలోజరిపే పండుగలను అధికారికం చేసి డబ్బు వృధా చేస్తున్నారు.
* గత కాంగ్రెస్, ప్రస్తుత బీజేపి ప్రభుత్వాలు కుంభకోణాల్లో కూరుకుపోయాయి.
* కుంభకోణాలకు నిరసనగా అక్టోబర్ 16న దేశవ్యాప్తంగా సీపీఐ ఆందోళనలు

కార్తిక్