మాకు రక్షణ కావాలి : గల్లా

Posted: 07/07/2014 05:37 PM IST

(Image source from: Galla jayadev controversial comments on trs party)

* తెలుగుదేశం పార్టీ ఎంపీ అయిన గల్లా జయదేవ్.. సోమవారంనాడు పాల్గొన్న మీడియా సమావేశంలో తెలంగాణ ప్రభుత్వంపై కొన్ని సంచలనమైన వ్యాఖ్యాలు చేశారు.

* హైదరాబాద్ లో నివాసం వుంటున్న ఆంధ్రప్రదేశ్ రాష్ట్రప్రజలు క్షేమంగా వుండాలంటే.. గవర్నర్ కు పూర్తి బాధ్యతలు అప్పగించాలని ఆయన డిమాండ్ చేశారు.

* తెలంగాణ ప్రభుత్వం పూర్తిగా ఆంధ్రరాష్ట్రానికి వ్యతిరేకంగా నిర్ణయాలు తీసుకుంటోందని.. వీటిని చూస్తుంటే తెలంగాణాలో వున్న ఆంధ్రప్రజలకు రక్షణ కనిపించడం లేదని ఆయన అన్నారు.

* గవర్నర్ కు పూర్తి అధికారం ఇస్తేనే... హైదరాబాద్ శాంతి భద్రతలతో వుంటుందని, అక్కడున్న ప్రజలకు సాఫీగా తమ జీవితాన్ని కొనసాగిస్తారని ఆయన వెల్లడించారు.

* ఆంధ్ర, తెలంగాణ రాష్ట్రాలకు హైదరాబాద్ ఉమ్మడి రాజధానికగా వుంది కాబట్టి... ఎటువంటి పరిస్థితులోనైనా గవర్నర్ కే పూర్తి అధికారాలు దక్కేలా చేయాలని ఆయన అభిప్రాయపడ్డారు.

* తెలంగాణాలో వున్న ఆంధ్రప్రజలను అక్కడి నుంచి తరిమేయాలనే భావనతో... అక్కడి ప్రభుత్వం అదేపనిగా కొన్ని వ్యతిరేక చర్యలకు పాల్పడుతోందని ఆయన ఆరోపించారు.

* టీఆర్ఎస్ ప్రభుత్వం ప్రజావ్యతిరేక కార్యకలాపాలకు పాల్పడుతూ... ప్రజలకు రక్షణ లేకుండా వారిని భయబ్రాంతులకు గురిచేస్తోందని ఆయన తీవ్రంగా విమర్శించారు.

* గవర్నర్ కు పూర్తి అధికారాలు కల్పించేలా కోరుతూ.. పార్లమెంట్ ఉభయసభల్లో టీడీపీ ఎంపీలు నోటీసులు ఇచ్చారని ఆయన స్పష్టం చేశారు.

* తమ డిమాండ్ ను పరిశీలించి, తగిన విధంగా న్యాయం జరిగేలా టీడీపీ పార్టీ నిర్ణయం తీసుకుంటుందని ఆయన చెప్పారు.