టి- బిల్లు పై నిజం చెప్పిన - జైపాల్ రెడ్డి

Posted: 02/18/2014 09:08 PM IST

Minister jaipal reddy press meet over t bill

కేంద్ర మంత్రి జైపాల్ రెడ్డి తెలంగాణ బిల్లు పై పార్లమెంట్ లో జరిగిన విషయాలను మీడియాతో చెప్పటం జరిగింది.

* తెలంగాణ బిల్లు పార్లమెంట్ లో ఆమోదం పొందిన నేపధ్యంలో బిల్లు ముజువాణి వోటుతో ఆమోదం పొందలేదని, ఓటింగ్‌తోనే ఆమోదం పొందిందని కేంద్రమంత్రి జైపాల్‌రెడ్డి స్పష్టం చేశారు.

* బిల్లుకు సంఖ్యాబలం లేదని వస్తున్న వార్తల్లో నిజం లేదని, సంఖ్యాబలంతోనే బిల్లు నెగ్గిందని అన్నారు.

* బిల్లుపై ఓటింగ్ జరగనందుకు కారణం సభ్యులు తమ స్థానాలలో ఉండకుండా వెల్‌లోకి వెళ్లటమేనని ఆయన అన్నారు.

* బిల్లు విజయానికి కాంగ్రెస్ అధ్యక్షురాలు సోనియాగాంధీయే కారణమని జైపాల్‌రెడ్డి పేర్కొన్నారు.

* తొమ్మిది రోజులు పార్లమెంట్ పూర్తిగా స్తంబించిందని, సెప్పెర్ స్ప్రే ఘటనలతో పార్లమెంట్ ప్రతిష్ట దెబ్బతిన్నదని ఆయన వ్యాఖ్యానించారు.

* కాంగ్రెస్, బీజేపీ మద్దతు ఉన్నప్పుడు బిల్లుకు మెజారిటీ లేదని ఎలా చెబుతారని ఆయన ప్రశ్నించారు.

* బిల్లుపై అనేక పార్టీలు సమర్ధించిన ముఖ్య సవరణలు స్పీకర్ ఆమోదించారు కనుక దీన్ని మూజువాణి ఓటు అనటం సరికాదని జైపాల్‌రెడ్డి వ్యాఖ్యానించారు.

* కేవలం సోనియాగాంధీ వల్లే తెలంగాణ వచ్చిందని ఆమె ఏ ప్రాంతానికి అన్యాయం చేయదని ఆయన ప్రశంసించారు. సీమాంధ్రకు కూడా ఎటువంటి అన్యాయం జరగలేదని బిల్లులోని సవరణలను పరిశీలిస్తే తెలుస్తుందని జైపాల్ తెలిపారు.

* సభలో పెప్పర్ స్ప్రే లాంటి ఘటనలు జరిగి, 60 సంవత్సరాల పార్లమెంట్ ప్రతిష్ఠ భంగపడిందని, అటువంటి అవాంఛనీయ సంఘటనలు జరిగితే పార్లమెంట్ పరువు మరింత దిగజారుతుందనే ఉద్దేశంతో స్పీకర్ ప్రత్యక్ష ప్రసారాలను నిలిపి వేసి ఉంటారని ఆయన అభిప్రాయపడ్డారు.

* బిల్లుకు మద్దతుదారుల సంఖ్యను లెక్కించిన తరువాతే స్పీకర్ మీరా కుమార్ తెలంగాణ బిల్లుకు ఆమోదముద్ర వేశారని ఆయన తెలిపారు.

-ఆర్ఎస్