బిల్లు సవరణ చేయాల్సిందే

Posted: 01/21/2014 07:25 PM IST

లోక్ సత్తా పార్టీ జాతీయ అధ్యక్షుడు జయప్రకాష్ నారాయణ తెలంగాణ బిల్లు పై మాట్లాడుతూ... బిల్లుకు సంబంధించిన కొన్ని కీలకమైన సవరణలు చూచించానని, ఆ సవరణలు చేసిన తరువాతే తెలంగాణ బిల్లును ఆమోదించాలని ఆయన ఇన్ డైరెక్ట్ గా చెప్పారు.  బిల్లులో సవరణలు జరగకుంటే సీమాంధ్ర ప్రజలకే కాకుండా తెలంగాణ ప్రజలకు కూడా తీరని అన్యాయం జరుగుతుందని అన్నారు.

తెలంగాణ రాష్ట్ర ఏర్పాటులో తాను సూచించిన పన్నెండు సవరణలు జరిగితే తప్ప తెలంగాణ ఏర్పడటం అసాధ్యం అని అన్నారు. ఆయన రాయలసీమకు ప్రస్తుతం ఏడాదికి సుమారు తొమ్మిది వేల కోట్ల రూపాయలు లోటు ఉందని ఆయన తేల్చారు.దానిని కేంద్రం భర్తీ చేయాలని ఆయన వాదించారు.అలాగే రాయలసీమ, తదితర ప్రాంతాలలో పన్ను రాయితీలు, ఇతర పారిశ్రామికాభివృద్ది చర్యలు చేపట్టాలని ఆయన సూచించారు.అలాగే రాజధాని ఒకచోట, హైకోర్టు,ఇతర అభివృద్ది కేంద్రాలు ఆయా నగరాలలో ఏర్పాట్లు చేయాలని ఆయన సూచించారు.

ఆయన సూచించిన సవరణలు ఇప్పటికిప్పటికీ సాధ్యం అయ్యేవి కావు. మరి ఇలాంటి సమయంలో జేపీ ఇలా రెండు ప్రాంతాల ప్రజల మనస్సులను గెలుచుకునే విధంగా మాట్లాడటం చూస్తుంటే భవిష్యత్తులో తనకు రాజకీయ పరంగా ఎటువంటి నష్టం వాటిల్లకూడదనే ఉద్దేశ్యంతో ఇలా మాట్లాడుతున్నాడని అంటున్నారు.