హృతిక్ - సుజానేలు విడిపోయారు

Posted: 12/14/2013 10:31 AM IST

Hrithik announced separate from wife suzanne

కొన్నాళ్ళ క్రితం బాలీవుడ్ స్టార్ హీరో హృతిక్ రోషన్, సుజానేలు విడిపోయారంటూ పుకార్లు వచ్చిన విషయం తెలిసిందే. ఇప్పుడు అవే పుకార్లు నిజం అని తేల్చేశాడు.గత మూడు నెలలుగా వీరిద్దరు విడి విడిగానే ఉంటున్నారని, హృతిక్ రోషన్ తండ్రి రాకేష్ రోషన్ బర్త్ డే సమయంలో వీరిద్దరి మధ్య చోటు చేసుకున్న వివాదమే వీరి బంధం బీలు వారడానికి కారణం అని, అప్పటి నుండి వీరిద్దరూ కలిసి ఉండటం లేకా హృతిక్ కి సంబంధించిన అన్ని కార్యక్రమాలకు సుజానే దూరంగా ఉంటూ వచ్చింది.

ఇక నిన్న సాయంత్రం ఓ పత్రికతో హృతిక్ మాట్లాడుతూ... నేటితో నాతో సుజానేల మధ్య ఉన్న దాంపత్య జీవితానికి ముగింపు పడింది. నాతో విడిపోవడానికి సుజానే నిర్ణయిచుకుంది. 17 ఏళ్ళ బంధానికి, 13 ఏళ్ళ దాంపత్య జీవితానికి ముగింపు పలికాం. ఇన్ని సంవత్సరాల వీరి కాపురానికి రెహాన్ (7), హ్రిదాన్(5) ఇద్దరు సంతానం. హృతిక్ ప్రకటన విన్న బాలీవుడ్ మొత్తం షాక్ తిన్నది.

ఈ సమయంలో మమ్మల్ని ప్రశాంతంగా వుండనీయమని మీడియాను కోరాడు. బాలీవుడ్ నటుడు సంజయ్ ఖాన్ కూతురైన సుజానేతో హృతిక్ వివాహం 2000 సంవత్సరంలో జరిగింది. అయితే సుజానే విడాకులు తీసుకోవడానికి ఓ బలమైన కారణం చెబుతున్నారు.

గత కొంత కాలంగా హృతిక్ విదేశాల్లో ప్రియురాలిని మెయింటేన్ చేస్తున్నాడని, ఈ విషయం రెండుమూడేళ్ల క్రితమే సుజానే కి తెలిస్తే హృతిక్‌ పై ఆగ్రహం వ్యక్తం చేసినా, ఆయన తీరుతో మార్పు రాలేదని అందుకే విడిపోవాలని నిర్ణయించుకుందనే ప్రచారం జరుగుతుంది బాలీవుడ్ లో.