సిద్దమైన చినబాబు!

Posted: 12/03/2013 10:14 PM IST

సమరానికి సిద్దమైన చినబాబు అని తెలుగుదేశం పార్టీ నాయకులు ఆనందం పడుతున్నారు. అయితే ఈ చినబాబు పోరాటం ఎంత వరకు వెళుతుందో మాత్రం ఎవరు చెప్పలేరని అంటున్నారు. ట్విట్టర్ బాబు గా పేరు తెచ్చుకున్న తెలుగుదేశం పార్టీ అధినేత నారా చంద్రబాబు నాయుడు తనయుడు నారా లోకేష్. 2014 ఎన్నికల కోసం యువతను పాలోయింగ్ చేస్తున్నారు. లోకేష్ ఆ మధ్య ఎన్టీఆర్ ట్రస్ట్ భవన్ ను చాలా చురుకుగా కార్యకలాపాలను చక్కదిద్దుతున్నారని.. ముఖ్యంగా పార్టీలోని యువ నేతలను ఒకే వేదిక మీదకు తీసుకొస్తూ పార్టీ కార్యక్రమాలలో వారిని ఐక్యం చేస్తూ వస్తున్నారు. ఇక ఇప్పుడు ఏకంగా విద్యార్ధి, యువతతో రాష్ట్ర వ్యాప్తంగా భారీ సదస్సులు నిర్వహిస్తూ.. రాష్ర్ట వ్యాప్త పర్యటనకు సిద్దమౌతున్నారు.

 

లోకేష్ ఈ నెల రెండవ వారం నుంచి ఈ పర్యటన మొదలు కానుందని.. విద్యార్ధి, యువతను చైతన్య పరిచి రాష్ర్ట రాజకీయాల్లో పోషించాల్సిన పాత్రపై సదస్సులు నిర్వహించనున్నారని.. ఈ సదస్సులకు సంబందించి ఇప్పటికే విద్యార్ధి, యువత విభాగం నేతలు సన్నాహాలు చేస్తున్నట్లుగా టిడిపి వర్గాలు చెబుతున్నాయి. ఈ పర్యటనలో భాగంగా రాష్ర్టంలోని అన్ని ఇంజనీరింగ్ కళాశాలలో పర్యటించి వారికి రాజకీయ చైతన్యం కల్పించాలని, రానున్న ఎన్నికల్లో యువత ఎక్కువగా ఓటింగ్ లో పాల్గోనేలా చైతన్యం చేయాలని.. ఇప్పటికే రెండు మూడు సార్లు భేటి అయిన పార్టి అనుబంధ సంస్దలైన టిఎన్ఎస్ఎఫ్, తెలుగు యువత ముఖ్యనేతలతో మరోసారి కూడా భేటి అయి వారికి కర్తవ్య బోధ చేయాలని భావిస్తున్నట్లు తెలుస్తుంది. ఈ సదస్సులను తెలంగాణ ప్రాంతంలోని వరంగల్ జిల్లా భూపాలపల్లి నుండి ప్రారంభించాలని ఇందుకు తగ్గ ఏర్పాట్లు చేస్తున్నట్లుగా తెలుస్తుంది!