భారతీయుడి ప్రాణాం తీసిన టాటూ

Posted: 11/01/2013 09:58 PM IST

'టాటూ' అంటే యువత ముచ్చట పడుతుంటారు..శరీరంలో ఎక్కడ పడితే అక్కడ 'టాటూ'లు వేయించుకుంటుంటారు. ఈ టాటూను ఉద్యోగానికి ఎసరు పెట్టింది. దీనితో టాటూను తొలగించుకోవాలనుకుని ప్రాణాలు కోల్పోయాడు. టాటూ ఒకరి ప్రాణాలు తీసిన సంఘటన మలేషియాలో చోటు చేసుకుంది. ఇతను భారత సంతతికి చెందిన వాడు. దినేశ్ నాయర్ (25) మలేషియాలోని సుంగాయ్ పెటానీలో స్థిరపడ్డాడు. ఇతడు పోలీసు కావాలని అనుకుని దరఖాస్తు చేసుకున్నాడు. ఇంటర్వ్యూ వచ్చింది. ఇక్కడే ఓ సమస్య వచ్చింది.

 

అతను సరదా కోసం వేయించుకున్న 'టాటూ' ప్రతిబంధకంగా మారింది. మలేషియా నిబంధనల ప్రకారం టాటూ వేయించుకోవడం నిషేధం. దీనితో దినేష్ నాయర్ టాటూను తొలగించుకోవాలనుకుని ఓ ప్రైవేటు క్లినిక్ ను సంప్రదించాడు. కాని అతను కోమాలోకి వెళ్లిపోయి గురువారం ఉదయం మృతి చెందాడు. తన సోదరుడు దినేష్ నాయర్ కు పోలీసు కావాలని కల ఉండేదని దీనితో అతను జాబ్ కు అప్లై చేయడం జరిగిందని మృతుడి సోదరుడు గోబినాయర్ ఓ వార్త సంస్థకు తెలిపాడు. కాని టాటూ అడ్డం రావడంతో సెప్టెంబర్ 12వ తేదీన ఓ ప్రైవేటు ఆసుపత్రిని సంప్రదించడం జరిగిందని, కాని టాటూను తొలగించడానికి వైద్యులు ఒప్పుకోలేదని అతను తెలిపాడు.

 

కాని అతను వైద్యుడి కాళ్లవేళా పడడంతో టాటును తొలగించడానికి వైద్యులు ఒప్పుకున్నారని పేర్కొన్నాడు. కాని అదే రోజు సాయంత్రం 4.30 కోమాలోకి వెళ్లిపోయి అక్టోబర్ 31వ తేదీ ఉదయం దినేష్ నాయర్ చనిపోయాడని తెలిపాడు.