లేఖలు ఇస్తున్నాం.. మీ సమాధానం చెప్పండి..

Posted: 11/01/2013 09:53 AM IST

Central home department sent letter to all local parties

రాష్ట్ర విభజనప్రక్రియకు సంబంధించి కేంద్రం విభజనకు సంబంధించి తలెత్తే సమస్యల పై సూచనలు , అభిప్రాయాలను కేంద్రహోం శాఖ వివిధ పార్టీలను కోరుతూ రాష్ట్రంలో ఉన్న ఆయా పార్టీలకు లేఖలు పంపుతూ నవంబర్ 5 తేదీలోపు మీ సలహాలు, సూచనలు కావాలని కోరింది. అక్టోబర్ 30వ తేదీ వేసి ఉన్న రెండు పేజీల లేఖ పలు పార్టీల కార్యాలయాలకు గురువారం ఫ్యాక్స్ ద్వారా అందింది. త్వరలో విభజన పై అఖిల పక్షం వేయబోతున్నామని ప్రకటించిన విషయం తెలిసిందే.

అదే కాకుండా నవంబర్ 7 తేదీన మూడో భేటీ జరగనుండటంతో కేంద్ర కేబినెట్ ఆమోదించిన 11 విధివిధానాల పై సూచనలు కోరుతూ ఈ లేఖలు పంపించింది. ఈ అభిప్రాయాల సేకరణ తరువాత మంత్రుల బ్రుందం అన్ని రాజకీయ పార్టీల ప్రతినిదులను సంప్రదిస్తుందని, అఖిల పక్షం సమావేశం తేదీ, సమయం ఇంకా నిర్ణయించలేదని, దీనికి సంబందించి ప్రత్యేకంగా సమాచారం అందిస్తామని కేంద్ర హోంశాఖ సంయుక్త కార్యదర్శి సురేష్ కుమార్ తెలిపారు. ఈ లేఖ సారాంశం ప్రకారం...

ఆంధ్రప్రదేశ్‌ను విభజించి నూతన రాష్ట్రం తెలంగాణను ఏర్పాటు చేయాలని కేంద్ర కేబినెట్ ఈ అక్టోబర్ 3న నిర్ణయం తీసుకోవడం మీకు తెలిసిందే. విభజనకు సంబంధించి వివిధ అంశాలపై సిఫార్సులు చేసేందుకు కేంద్ర మంత్రుల బృందం (జీవోఎం) ఏర్పాటైంది. అన్ని భాగస్వామ్య పక్షాల నుంచి సలహాలను ఇ-మెయిల్ లేదా పోస్టు ద్వారా స్వీకరించాలని జీవోఎం నిర్ణయించింది. నియమ నిబంధనలు, షరతుల మేరకు పలు అంశాలకు సంబంధించి మీ పార్టీ సూచనలను జీవోఎంకు తెలియజేయవచ్చు. వాటిని నవంబర్ 5లోగా రాతపూర్వకంగా నాకు పంపవచ్చు. వాటిని స్వీకరించాక మీ పార్టీ ప్రతినిధులతో జీవోఎం చర్చిస్తుంది. దానికి సంబంధించిన తేదీ, సమయం తదితర వివరాలను మీకు ప్రత్యేకంగా తెలియజేస్తుంది ’’ అంటూ అందులో పేర్కొంది.