సచిన్ పార్టీని భగ్నం చేస్తాం ?

Posted: 10/29/2013 09:32 PM IST

ప్రపంచ ప్రజలు సచిన్ పార్టీ పై ఆశపెట్టుకున్నారు. పార్టీ అంటే ఏదో , మందు పార్టీనో, డ్యాన్స్ పార్టీనో కాదులేండి సచిన్ పార్టీ అంటే ఫేర్ వెల్ పార్టీ. సచిన్ ముగిపు ఆటను ఫేర్ వెల్ పార్టీగా అభిమానులు చెప్పుకుంటున్నారు. మాస్టర్ బ్లాస్టర్ సచిన్ టెండూల్కర్ ఫేర్ వెల్ పార్టీని భగ్నం చేస్తామని వెస్టిండీస్ విధ్వంసకర ఆటగాడు క్రిస్ గేల్ అన్నాడు. అయితే సచిన్ గొప్ప ఆటగాడు.. ఆయన ముగింపు మ్యాచ్ గొప్పగా ఉండాలని కోరుకుంటున్నానని గేల్ తెలిపాడు. సచిన్ సంతోషంగా ముగింపు పలుకాలని.. అయితే విజయంతో ఫేర్ వెల్ ఉండకూడదు అని అన్నాడు.

 

సచిన్ 200 టెస్ట్ గొప్పగా ఉంటుంది. భారీగా హాజరయ్యే అభిమానులతో వాతావరణం అద్బుతంగా ఉంటుంది అని క్రిక్ ఇన్ఫో వెబ్ సైట్ కిచ్చిన ఇంటర్వ్యూలో గేల్ వెల్లడించాడు. సచిన్ కు మద్దతుగా పెద్ద ఎత్తున అభిమానులు హాజరవుతారు.. అయితే ఆటను రక్తికట్టించేందుకు వెస్టిండీస్ జట్టు తమ ప్రతిభను చూపడానికి సిద్ధంగా ఉంది అని అన్నాడు. సచిన్ ఫేర్ వెల్ మ్యాచ్ నవంబర్ 14-18 తేదిల మధ్య ముంబైలో జరుగుతుంది.

సచిన్ చివరి టెస్టులో ప్రత్యర్థులుగా ఆడటం తమకు గర్వకారణంగా ఉందని, అయితే అతడిని తొలి బంతికే అవుట్ చేయాలనే కోరిక కూడా ఉందని వెస్టిండీస్ టెస్టు కెప్టెన్ డారెన్ స్యామీ అన్నాడు. ‘సచిన్ చివరి మ్యాచ్‌లో అతడిని అవుట్ చేసిన బౌలర్ చరిత్రలో నిలుస్తాడు. కాబట్టి మాస్టర్‌ను అవుట్ చేయాలని మా జట్టులో ప్రతి బౌలర్ తహతహలాడుతున్నాడని స్యామీ అన్న సంగతి తెలిసిందే. సచిన్ పార్టీలో ఏం జరుగుతుందో చూడాలి.