టాస్క్ ఫోర్స్ లో టీ- అధికారి కావాలి?

Posted: 10/29/2013 08:12 PM IST

తెలంగాణ రాష్ట్ర సమితి పార్టీ ఎమ్మెల్యే కె. తారకరామారావు మరొ కొత్త డిమాండ్ ను తెరపైకి తెవటం జరిగింది. కాంగ్రెస్ హైకమాండ్ .. రాష్ట్ర విభజనపై పెంచిన స్పీడ్ లో భాగంగా.. ఈరోజు హైదరాబాద్ నగరంలోకి టాస్క్ పోర్స్ కమిటి రావటం జరిగింది. రాష్ట్ర విభజన తరువాత ..రెండు వైపుల శాంతి భద్రతలపై ద్రుష్టి పెట్టేందుకు ముందుగా టాస్క్ ఫోర్స్ సమావేశం కావటం జరిగింది. అయితే ఈ కమిటీ పై టీఆర్ఎస్ ఎమ్మెల్యే కేటిఆర్ అభ్యంతరం చెబుతున్నారు. టాస్క్ ఫోర్స్ కమిటీలో.. సీమాంద్ర అధికారులే ఎక్కువుగా ఉన్నారని, తెలంగాణ ప్రాంతానికి చెందిన అధికారులు ఎవరు లేరని ఆయన అన్నారు.

హైదరాబాద్ కు వచ్చిన టాస్క్ ఫోర్స్ లో తెలంగాణ కు చెందిన అదికారులను కూడా సభ్యులుగా నియమించాలని తెలంగాణ రాష్ట్ర సమితి ఎమ్మెల్యే కె.తారకరామారావు అన్నారు.కేవలం ఆంద్ర ప్రాంతానికి చెందిన అదికారులను మాత్రమే ఇందులో భాగస్వాములను చేయడం సరికాదని అన్నారు.ఈ కమిటీలో తెలంగాణ కు చెందిన వారిని కూడా నియమించి న్యాయంగా నిర్ణయాలు జరగాలని అన్నారు.అంతేకాక ముఖ్యమంత్రి కిరణ్‌ కుమార్ రెడ్డి పక్షపాతంగా వ్యవహరిస్తున్నవిషయంపై కూడా ఈ కమిటీ నివేదించాలని కెటిఆర్ డిమాండ్ చేశారు.

ఈ కమిటీలో మాజీ డిజిపి పేర్వారం రాములును నియమించపోవడంపై టిఆర్ఎస్ నేత వినోద్ కూడా విమర్శించారు. అయితే ఆయన ఇప్పటికే రాజకీయపార్టీలో చేరినందున ఆయనను పిలిచినట్లు కనబడదు.కాగా మరో రిటైర్డ అదికారి ఆంజనేయరెడ్డిని ఆహ్వానించినా,ఆయన విశాలాంద్ర మహాసభ తరపున క్రియాశీలకంగా ఉంటున్నారు.దాంతో ఆయన హాజరు కారాదని నిర్ణయించుకున్నారు.