తన తల్లి కోసం సచిన్ చివరి కోరిక

Posted: 10/15/2013 08:14 PM IST

కోట్ల మంది అభిమానులకు దైవంగా మారిన మాస్టర్ బ్లాస్టర్ సచిన్ టెండూల్కర్ కు.. తల్లి అంటే అమితమైన ఇష్టం. ఆ తల్లి కోసం సచిన్ చివరి కోరిక బీసీసీఐ ముందు ఉంచటం జరిగింది. నా ఆటను నా తల్లి ప్రత్యక్షంగా చూడాలి.. కనుక ముంబైలోని వాంఖెడే స్టేడియంలో ఈ మ్యాచ్ ని నిర్వహించాలి అని సచిన్ బీసీసీఐకి విజ్ఞప్తి చేశాడు. సచిన్ టెండూల్కర్ సొంత మైదానంలో అంతర్జాతీయ క్రికెట్ మ్యాచ్ లకు వీడ్కోలు పలకనున్నాడు. తన చివరిదైన 200వ టెస్టును ముంబైలోని వాంఖెడే స్టేడియంలో ఆడనున్నాడు.

 

రాజీవ్ శుక్లా ఆధ్వర్యంలో భేటీ అయిన బీసీసీఐ కమిటి నవంబరులో వెస్టిండీస్ తో జరిగే రెండు టెస్టుల వేదిక వివరాలను ఈరోజు వెల్లడించింది. దీంతో బీసీసీఐ సచిన్ కోరిక పై ఈ నిర్ణయం తీసుకున్నట్లు తెలుస్తోంది. నవంబర్ లో జరిగే 199వ టెస్టును కలకత్తా లోని ఈడెన్ గార్డెన్స్ లో, 200వ టెస్టు ను ముంబై లోని వాంఖెడే మైదానంలో నిర్వహించనున్నట్లు బీసీసీఐ వర్గాలు తెలిపాయి. దీంతో మాస్టర్ బ్లాస్టర్ తన ఆఖరి టెస్ట్ మ్యాచ్ ఎక్కడ జరుగుతుందోనన్న విషయంలో ఊహాగానాలకు తెరదించినట్లయింది. సచిన్ సొంత గడ్డ పైనే ఆఖరి టెస్ట్ జరుగుతుందని బీసీసీఐ ప్రకటించింది.