టీ-పై కాంగ్రెస్ కు వార్నింగ్ ఇచ్చిన లగడపాటి

Posted: 10/15/2013 05:47 PM IST

విజయవాడ ఎంపీ లగడపాటి రాజగోపాల్ తెలంగాణ పై వంద ఆశలు పెట్టుకున్నాడు. అంటే తెలంగాణ ఎట్టి పరిస్థితుల్లోను రాదని 100 శాతం గ్యారెంటి ఇస్తున్నారు. లగడపాటి రాజీనామా చేసి రెండు నెలల అవుతుంది. కానీ ఇప్పటి వరకు ఆయన రాజీనామాను కాంగ్రెస్ పార్టీ ఆమోదించలేదు. దానికి అనేక కారణాలు ఉన్నాయని లగడపాటే చెబుతున్నారు. స్పీకర్ లేని సమయంలో ఆమె ఇంటికి లగడపాటి వెళ్లి కాలింగ్ బెల్ కొట్టి వస్తారు. స్పీకర్ ఇంట్లో లేని సమాయంలోనే లగడపాటికి రాజీనామా ఆమోదించుకోవాలనే తపనతో పరుగులు తీస్తారు. ఇలా రెండు నెలలు గడిపిన లగడపాటి చివరకు తెలంగాణ రాదేనే విషయాన్ని గట్టి చెబుతున్నారు. తెలంగాణ ఇవ్వగలిగేదీ... ఆపగలిగేదీ కాంగ్రెస్సే అని లగడపాటి స్పష్టం చేశారు. వేరే దారి లేకనే కోర్టుకు వెళ్లానని తెలిపారు. సమైక్య రాష్ట్రం కోసమే తామురాజీనామా చేస్తున్నామని, ఇక ఏ మాత్రం పదవుల్లో కొనసాగేందుకు అంగీకరించమన్నారు.

 

తెలంగాణ ప్రాంతంలోనూ సమైక్యవాదులు అధికంగా ఉన్నారన్నారు. సమస్యలు పరిష్కరించకుండా ముందుకెళ్తామంటే ఎలా? అని ప్రశ్నించారు. రాజీనామాలు ఆమోదింప జేసుకునేందుకు తాము ప్రయత్నిస్తున్నామని స్పీకర్ అందుబాటులో లేరని లగడపాటి చెప్పారు. మా పోరాటం అంతా కాంగ్రెస్ మీదే అని, అధిష్టానం మనసు మారుతుందని ఆశతో ఎదురు చేస్తున్నామని తెలిపారు. కాంగ్రెస్ పార్టీ కొన్ని పార్టీలతో లాలూచి పడిందని, అందుకే మమ్మల్ని అవసరం లేదని భావిస్తున్నారన్నారు. ఇలాంటి పరిస్థితుల్లో కొనసాగలేమన్నారు. తరువాత అన్ని విషయాలు బయటపెడతానన్నారు. ఇప్పటికే కేంద్ర ప్రభుత్వం మైనార్టీలో వుందని ఎన్నికలు ఆరు నెలలు ఉండగా ఇష్టానుసారంగా వ్యవహరిస్తామంటే కుదరదని హెచ్చరించారు.