ఉద్యమం పై సెటైర్లు వేసిన నవదీప్

Posted: 10/04/2013 07:30 PM IST

టాలీవుడ్ లో ఓ మోస్తారు హీరోగా పేరు తెచ్చుకున్న నవదీప్ మరో వర్మ. ఈయన రామ్ గోపాల్ వర్మ లాగా వివాదాస్పాద వ్యాఖ్యలు చేస్తూ అప్పుడప్పుడు వార్తల్లో నిలుస్తుంటాడు. ఆ మధ్యన నాలాంటి వాడికి ఎవరు పిల్లనిస్తారంటూ వ్యాఖ్యానించిన నవదీప్ పబ్బుల్లో, డ్రంక్ అండ్ డ్రైవ్ కేసులో కూడా దొరికి రచ్చ రచ్చ చేశాడు. ఆ సంఘటనలు జరిగి చాలా కాలం అయ్యిందనుకున్నాడో ఏమో కానీ, తాజాగా ట్విట్టర్ లో సీమాంధ్ర లో జరుగుతున్న ఉద్యమం పై హాట్ హాట్ కామెంట్లు పోస్ట్ చేశాడు.  పెద్దపెద్ద రాజకీయ నేపధ్యంగల కుటుంబాలనుంచి వచ్చిన యంగ్ హీరోలు నోరు మెదపకుండా రోజులు గడిపేస్తూ తమ పని తాము చేసుకుంటున్న ప్రస్తుత తరుణంలో నవదీప్ మాత్రం తన నోటిదులను బయటపెట్టాడు. అతడు ట్విట్టర్ లో పోస్ట్ చేసిన మాటలు ఇవే.

‘నేడే చూడండి మీ అభిమాన టివీ ఛానల్లో ఆంధ్రప్రదేశ్ పొలిటికల్ హైడ్రామా మీరెప్పుడు గతంలో చూడనిది విననిది ఆలసించిన ఆశాభంగం’ అంటూ పాతకాలంలో సినిమా ప్రచారం లాగా పోస్ట్ చేశాడు.

‘ఆంధ్రప్రదేశ్లో అన్నీ ప్రకటనల కలెక్షన్లు, మంత్రుల రాజీనామాలే !! ఓరి దేవుడా.. ఏం జరుగుతోంది!! ఈ విషయంలో ఏమీ చేయలేం గానీ సీమాంధ్రలో అసలేం జరుగుతోంది? అక్కడ పనిచేస్తున్న ప్రభుత్వోద్యోగులంటే.. కేవలం పోలీసులే. వాళ్లు కూడా సహాయ నిరాకరణ ప్రారంభిస్తున్నారు!!" అంటూ కూడా నవదీప్ ట్వీట్ చేశాడు.

ఒక చిన్న హీరో ధైర్యంగా ఈనాటి రాజకీయనాయకులు ఆడుతన్న హైడ్రామాను విమర్శిస్తూ తన అభిప్రాయాన్ని తన ట్విటర్ లో పెట్టడం టాక్ ఆఫ్ ది టాలీవుడ్ గా మారింది. సినీ పరిశ్రమకు చెందిన అనేకమంది సీనియర్లు, ఎప్పుడూ ట్విట్టర్లో వివాదాస్పద వ్యాఖ్యలు చేసే రాంగోపాల్ వర్మ కూడా దీని గురించి ఏమీ స్పందించని సమయంలోనూ నవదీప్ ఇలాంటి వ్యాఖ్యలు చేయడం టాలీవుడ్ లో హాట్ టాపిక్ మారాయి. నవదీప్ వ్యాఖ్యల పై సీమాంధ్రులు ఎలా స్పందిస్తారో చూడాలి. ఉన్నవాడు ఉండక ఉద్యమంలో వేలు పెట్టడం దేనికి అని సినిమా వాళ్ళు అంటున్నారు.