మగవారికి బెల్టు దెబ్బ

Posted: 10/02/2013 12:57 PM IST

ఆడవారి నడుముకు వడ్డణం అందం.. అదే మగవారికి నడుముకు మాత్రం బెల్టు అందం. మగవారు బెల్టు పెట్టుకోవటం అనేది బాగా అలవాటుగా మారిపోయింది. ఎంత అందగడైన సరే.. నడుముకు బెల్టు పెట్టుకోవటం తప్పని సరి. అయితే ఇప్పుడు ఈ బెల్టు వల్ల.. మగవారికి చాలా ప్రమాదం ఉందని శాస్త్రవేత్తలు చెబుతున్నారు. నడుముకు అతి బిగుతుగా బెల్టు పెట్టుకునేవారికి గొంతు క్యాన్సర్ ముప్పు పొంచి ఉంటుందని తాజా అధ్యయనం లో తేలింది. ముఖ్యంగా ఉబకాయులకు ఈ ప్రమాదం మరింత ఎక్కువని తెలిపింది. బరువు ఎక్కువగా ఉన్నవారు నడుముకు అతి బిగుతుగా బెల్టు ధరించడం వల్ల ఉదర ఆమ్లాలు వెనక్కి వెళ్లి అన్నవాహికు చేరుతాయి.

 

ఇలా చేరటం వల్ల చాలా ప్రమాదకరమని శాస్ట్రవేత్తలు తెలిపారు. గ్లాస్గో, స్ట్రత్ క్టైడ్ వర్సిటీలు పరిశోధకుల కొంత మంది మగవారి పై అధ్యయనం నిర్వహించి ఈ ఫలితాలు వెల్లడించారు. అధిక బరువు గల వారిలో ఉదర ఆమ్లాలు తిరిగి అన్నవాహికకు చేరినట్లు స్పష్టంగా గుర్తించారు. ఉబకాయలు నడుముకు బిగుతుగా బెల్టు ధరించడం వల్ల ఉదరం, అన్నవాహికల మధ్య ఉన్న నాళంపై ఒత్తిడి పడుతుంది. ఫలితంగా ఆమ్లాలు అన్నవాహికలోకి చేరుతాయి అని ముఖ్య అధ్యయనకర్త కెన్నెత్ మెకోల్ తెలిపారు. ఉదరంలాగా ఆ ఆమ్లాలను అన్నవాహిక భరించలేదని .. ఈ పరిణామం గొంతు క్యాన్సర్ కుదారితీస్తుందని వెల్లడించారు. అయితే ఇక నుండి మగవారు బెల్టు విషయంలో చాలా జాగ్రత్తగా ఉండాలి. లేకపోతే మగవారు బెల్టు దెబ్బకు బలికావాల్సి వస్తుంది.