ఢిల్లీలో చంద్రబాబు వాకౌట్

Posted: 09/23/2013 04:19 PM IST

తెలుగుదేశం పార్టీ అధినేత నారా చంద్రబాబు నాయుడు ఢిల్లీలో కొలువైన విషయం తెలిసిందే. అయితే ఆయన ఢిల్లీలో ఏ రాజకీయ పని మీద ఉన్నరో తెలియదు గానీ, ఈ రోజ మాత్రం ఆయన ఢిల్లీలో వాకౌట్ చేశారు. అంటే నేషనల్ ఇంటిగ్రేషన్ కౌన్సిల్ (ఎన్ఐసీ) సమావేశాన్ని చంద్రబాబు నాయుడు బహిష్కరించారు. ఈ సమావేశంలో ఆంధ్రప్రదేశ్ సమస్యలు ప్రస్తావించవద్దని అడ్డుకున్నారు. అందుకే ఎన్ఐసీ సమావేశాన్ని బహిష్కరించినట్లు ఆయన తెలిపారు. రాజకీయ లబ్ధి కోసమే రాష్ట్రంలో కాంగ్రెస్‌ సమస్యలు సృష్టిస్తోందని, రాష్ట్ర సమస్యలను ఎన్‌ఐసీలో చర్చించాల్సిన అవసరం లేదా అని ఆయన ప్రశ్నించారు. దేశంలో ఉండే మేధావులు విభజనపై ఆలోచించాలని కోరారు. సీఎం కిరణ్‌ రాష్ట్రంలోని సమస్యలను పట్టించుకునే స్థితిలో లేరని మండిపడ్డారు. ఇరుప్రాంతాల నేతలతో చర్చించి సమస్య పరిష్కారంచేయాలని ఆయన కోరారు. ఎన్ఐసీలో తన ప్రసంగాన్ని కేంద్ర ఆర్థిక మంత్రి, కేంద్ర హోం మంత్రి షిండేలు అడ్డుకున్నారని చంద్రబాబు నాయుడు తెలిపారు. కిరణ్‌కుమార్‌రెడ్డి కాంగ్రెస్ అధిష్టానం కనుసన్నలలో నడుస్తున్నారని, ఆయన సీటు కోసం పాకులాడుతున్నారని విమర్శించారు. సమావేశంలో రాష్ట్ర సమస్యల గురించి ప్రస్తావిస్తున్నప్పుడు కనీసం తనకు మద్దతు తెలపలేదని బాబు ఆవేదన వ్యక్తం చేశారు.