బార్బర మోరితో ఎఫైర్ ? హృతిక్‌ భార్య విడాకులు ?

Posted: 09/21/2013 08:42 AM IST

సినిమా వాళ్లకు పెళ్లిళ్ళు అచ్చిరావేమో ? ఏడడుగులు నడిచి, వందేళ్ళు కలిసి బతకాల్సిన వారు మధ్యలోనే విడిపోతున్నారు. ఇప్పటికే చాలా మంది హీరో, హీరోయిన్ల పెళ్లిళ్ళు పెటాకులు అయ్యాయి. ఇప్పుడు బాలీవుడ్ స్టార్ హీరో అయిన హృతిక్‌రోషన్ పెళ్లి కూడా పెటాకులు అవ్వబోతున్నాయని బాలీవుడ్ లో వార్తలు వినిపిస్తున్నాయి. హృతిక్‌రోషన్ తన భార్య అయిన సుజాన్నేకు త్వరలో విడాకులు ఇవ్వబోతున్నాడని ఈ వార్తల సారాంశం. వీరిద్దరి మధ్య విభేదాలు వచ్చాయని,, గత కొంత కాలంగా వీరిద్దరు విడివిడిగానే ఉంటున్నారని, రీసెంటుగా జరిగిన హృతిక్‌ తండ్రి జన్మదిన వేడుకల్లో తన పేరెంట్స్‌కి గౌరవం ఇవ్వలేదన్న కోపంతో సుజాన్నే వచ్చిన వెంటనే వెళ్లిపోయిందట. ఈ విషయంపైనే వీరి మధ్య గొడవ జరిగిందనీ, అది తారస్థాయికి వెళ్ళిందనీ అంటున్నారు. దీంతో విడాకులు తీసుకోవాలని డిసైడ్ అయ్యారని కొందరు అంటుంటే, మరికొంత మంది మాత్రం వివాదాలకు కేంద్రబిందువు హాలీవుడ్ నటి బార్బరా మోరి అని, 2010లో వచ్చిన ‘కైట్స్ ’ చిత్రం  తరువాత  నుండి వీరి మధ్య రిలేషన్ బాగానే పెరిగిందని, ఈమె మోజులో పడి సుజాన్నేను పట్టించుకోక పోవడంమే సుజాన్నే కోపానికి కారణం అని మరి కొందరు అనుకుంటున్నారు. ఏది ఏమైనా ప్రస్తుతం సినిమా షూటింగులో బిజీగా ఉన్న హృతిక్ ఆ తరువాత విడాకులు ఇవ్వనున్నాడట.