భక్తుడి సందేహం, శివుని సమాధానం

Posted: 08/07/2013 11:34 AM IST

తెలుగు సినిమాలలో రాష్ట్ర విభజన అంశాన్ని పలుమార్లు వినిపించారు మనవాళ్ళు.

"తెలుగు జాతి మనది, నిండుగ వెలుగు జాతి మనది"- అని ముఖ్యమంత్రి అవటానికి ఎంతో ముందుగానే నటరత్న ఎన్టీ ఆర్ నటించిన "తల్లా పెళ్ళామా" సినిమాలో పాట రూపంలో వినిపించారు.  డా.సి నారాయణ రెడ్డి రచించిన ఆ పాటలో ఘంటసాల గొంతుకు వచనంలో తన గళాన్ని కూడా చేర్చి మరీ చెప్పారు ఎన్టీఆర్. 

మరో సినిమా "మా వూళ్ళో మహాశివుడు" లో రావు గోపాలరావు శంకరుడిగా, సత్యనారాయణ శివ భక్తుడు సాంబయ్యగా రాష్ట్ర విభజన గురించి మాట్లాడుకోవటం చూస్తాం.  దాని వీడియో క్లిప్పింగ్ ని కూడా చూడవచ్చు. 

అందులో "ప్రత్యేక రాష్ట్రం అడిగే వాళ్ళకి ఇచ్చేస్తే పోలే" అన్న సత్యనారాయణకు, ప్రశ్నల ద్వారా ఒక వడ వండి తినాలంటే దానికి ఏమేమి కావాలి, అవి ఏయే రాష్ట్రాలనుంచి వస్తాయన్నది అతని నోటితోనే చెప్పిస్తారు శంకరుని వేషధారి రావు గోపాలరావు.

అయితే ఇది చూసి మరోసారి,  "రాష్ట్ర విభజన ఇడ్లీ దోశ తినటమంత సులభం కాదు" అన్న కేంద్ర మంత్రి వాయలార రవి మాటలకు భగ్గుమన్న సన్నివేశాన్ని గుర్తుచేసుకోకండేం! 

-శ్రీజ