సోనియాకు తాకిన సమైక్యాంద్ర సెగ – పోటీలు పడిన ఎంపీలు?

Posted: 08/05/2013 03:12 PM IST

తొలిరోజే సీమాంద్ర ఎంపీలు నినాదాలతో సభను హోరెత్తించారు. స్పీకర్ మీరాకుమార్ ప్రశ్నోత్తరాల కార్యక్రమాన్ని చేపట్టగానే ఎంపీలు ఆందోళనకు దిగారు. సమైక్యాంద్రే ముద్దు అని సీమాంధ్ర, ఎంపీలు పోటాపోటీగా సభలో నినాదాలు చేశారు. పార్లమెంటు సమావేశాలు ప్రారంభమయ్యాయి. సభ ప్రారంభమైన కాసేపటికే సీమాంధ్ర ఎంపీలు విభజనను నిరసిస్తూ నినాదాలు చేశారు. ఎంపీలు లగడపాటి రాజగోపాల్, ఎస్పీవై రెడ్డి, కనుమూరి బాపిరాజు, హర్షకుమార్ తదితరులు స్పీకర్ పోడియం వైపుకు దూసుకెళ్లే ప్రయత్నాలు చేశారు. వారికి టిడిపి ఎంపీలు జతకలిశారు. అయితే ఈ ఊహించని పరిణామంతో సోనియా గాంధీకి ఒక్కసారిగా షాక్ తిన్నారు. సమైక్యాంద్ర సెగ ఏమిటిలో లోక్ సభలో సీమాంద్ర ఎంపీలు చూపించారు. అయితే ఒకనోక సమయంలో కాంగ్రెస్ ఎంపీలు, టీడీపీలు పోటీపడ సమైక్యాంద్ర నినాదాలు చేయటంతో.. సభలో ఉన్న తెలంగాణ ఎంపీలుకూడా జై తెలంగాణ అంటూ.. నినాదాలు చెయ్యటంతో.. సభలో గందరగోళం నెలకొంది. కేంద్రమంత్రి సర్వే సత్యనారాయణ మాట్లాడుతున్న సమయంలో సీమాంధ్ర ఎంపీలు లేచి నినాదాలు చేశారు. ఆ వెంటనే తెలంగాణ ఎంపీలు పోటీగా నినాదాలు చేశారు. దీంతో సభలో గందరగోళం చెలరేగడంతో స్పీకర్ సభను వాయిదా వేశారు. సీమాంధ్ర ప్రాంత ప్రయోజనాలను రక్షించాలని వారు నినాదాలు చేశారు. ఏఐసిసి ఉపాధ్యక్షులు రాహుల్ గాంధీని ప్రధానిని చేసేందుకే సీమాంధ్ర ప్రాంత ప్రయోజనాలను పణంగా పెట్టారని మండిపడ్డారు. తెలుగు ప్రజలను రక్షించాలని వారు డిమాండ్ చేశారు. ఈ ఆందోళనలో ఎంపీలు మోదుగుల వేణుగోపాల్ రెడ్డి, సిఎం రమేష్, శివ ప్రసాద్, కొనకళ్ల నారాయణ, సుజనా చౌదరిలు పాల్గొన్నారు. అయితే కాంగ్రెస్ ఎంపీలు, టీడీపీలు కలిసి సభలో రెచ్చిపోవటం చూస్తే, అధికార పక్షం, ప్రతిపక్షం నేతలు కలవటం చాలా అరుదుగా జరుగుతుంది. అలాంటిది ఒక ప్రాంత సమస్య కోసం ఇద్దరు కలిసి పోరాటం చేయటం మంచిదేనని సీనియర్ రాజకీయ నాయకులు అంటున్నారు. అయితే ఒకనొక సమయంలో సోనియాగాంధీ కాంగ్రెస్ ఎంపీలకు వేలు చూపిస్తూ.. వెనక్కి తగ్గండి అనే సంకేతాలు ఇవ్వటం జరిగింది. అయితే ఆ సమయంలో సోనియాగాంధీ మాటలను వారు లెక్కచెయ్యకుండా స్పీకర్ పోడియం వద్దకు దూసుకువెళ్లారు. సోనియాకు సమైక్యా ఆగ్రహం తెప్పించారు. కానీ సోనియాగాంధీ చేసే సైగలను .. కాంగ్రెస్ ఎంపీలు పట్టించుకోలేదు. అదే సమయంలో బోడ్ ల్యాండ్ ప్రత్యేక రాష్ట్రం కోసం ఆ ప్రాంత ఎంపీలు కూడా నిరసనకు దిగి, నినాదాలు చెయ్యటంతో సభ మొత్తం నినాదాలతో హోరెత్తిపోయింది.