మనీషా భయంకర ఫోటో

Posted: 07/24/2013 08:23 PM IST

ప్రముఖ నటి అయిన మనీషా కోయిరాల సర్వెకల్ (గర్భాశయ ముఖద్వార) కేన్సర్ బారిన పడిన విషయం తెలిసిందే. ఈ కేన్సర్ చికిత్స కోసం ఆమె గత కొన్ని రోజుల క్రితం న్యూయార్క్ వెళ్ళింది. అక్కడ వైద్యం చేసుకొని పూర్తిగా కోలుకున్న తరువాత ఇండియాకు వచ్చిన మనీషా అందరిని ఆశ్చర్యపరిచేటువంటి ఫోటోలను ట్విట్టర్లో పోస్ట్ చేసి అందరికి షాక్ ఇవ్వడమే కాకుండా నేను పూర్తి ఆరోగ్యంగా ఉన్నాననే సంకేతాలు పంపింది. మొదట తలగుడ్డతో ఉన్న ఫొటోలను చూపించిన ఆమె చివరకు గుండుతో ఉన్న ఫొటోలను బయటపెట్టింది. ఇప్పుడిప్పుడే పూర్తిగా కోలుకుంటున్న మనీషా తన దైనందిన కార్యక్యమాలకు కొనసాగించే ప్రయత్నం చేస్తుంది. తను ఇప్పుడు చాలా ఉత్సాహంగా ఉన్నానని చెప్తోంది. న్యూయార్క్ నుండి వచ్చిన మనీషా ఇప్పుడు పూర్తి భక్తిలో మునిగిపోయి నిత్యం భగవంతుని నామస్మరణ చేస్తుంది. ఆమె అనారోగ్యం నుంచి విముక్తి పొందాక... షిరిడీ సాయిబాబా గుడికి, అలాగే ఓ చర్చిని కూడా సందర్శించింది. వాటికి సంబంధించిన ఫోటోలను కూడా ట్విట్టర్ లో పెట్టింది. ఈ అవతారంలో మనీషాను చూసిన జనాలు ఆశ్చర్యపోతున్నారు. ఆమె పూర్తిగా కోలుకున్నానని చెప్పడంతో ఆమె అభిమానులు సంతోషం వ్యక్తం చేస్తున్నారు.