రోడ్ మ్యాప్ అవసరం లేదు

Posted: 07/08/2013 04:08 PM IST

కాంగ్రెస్ పార్టీ సీనియర్ నాయకుడు, ఆంద్రప్రదేశ్ రాష్ట్ర వ్యవహారాల ఇన్ చార్జీ దిగ్విజయ్ సింగ్ తెలంగాణ ప్రకటన చేస్తాం, ఇక రోడ్ మ్యాప్ రెఢీ చెయ్యండని, రాష్ట్రం ముఖ్యమంత్రి సిఎం కిరణ్ కుమార్ రెడ్డి, ఉప ముఖ్యమంత్రి దామోదర్ రాజనర్సింహ, పీసీసీ అధ్యక్షుడు బొత్స సత్యనారాయణకు అప్పగించారు.ఈముగ్గురు రోడ్మ్యాఫ్ పై కుస్తీలు పడుతున్నారు. అయితే ముందుగా పీసీసీ ఛీఫ్ బొత్స సత్యానారాయణ కాంగ్రెస్ హైకమాండ్ కు రోడ్ మ్యాప్ అందించినట్లు సమాచారం. ఇంక సీఎం కిరణ్ కుమార్ రెడ్డి, ఉప ముఖ్యమంత్రి దామోదర్ రాజనర్సింహ రోడ్ మ్యాప్ పై కసరత్తూ చేస్తున్నారు. ఏ ప్రాంతం నాయకులు ఆ ప్రాంతం పెద్ద పై ఒత్తిడి పెంచుతున్నారు. తెలంగాణకు అనుకూలంగా రోడ్ మ్యాప్ ఇవ్వాలని తెలంగాణ కాంగ్రెస్ పార్టీ నాయకులు సీఎంకు విన్నవించినట్లు సమాచారం. అలాగే సమైక్యాంద్ర నాయకులు కూడా సీఎంను కలిసి, రాష్ట్రాన్ని సమైక్యంగా ఉంచాలని కోరినట్లు తెలుస్తోంది.

అయితే ఇలాంటి సమయంలో.. రోడ్ మ్యాప్ అవసరం లేదు? అని కాంగ్రెస పార్టీ నాయకుడు చెప్పటం జరిగింది. తెలంగాణపై అధిష్టానం రోడ్ మ్యాప్ అనవసరం అని ఎమ్మెల్యే ఆనం వివేకానంద రెడ్డి అన్నారు. రాజీనామాల పేరిట కొందరు నేతలు హైడ్రామా ఆడుతున్నారని విమర్శించారు. రాష్ట్ర విభజనకు సీమాంధ్ర నేతలం వ్యతిరేకం అని చెప్పారు. మద్రాస్ టు కర్నూలు, కర్నూలు టు హైదరాబాద్ కు రాజధాని సహా తామూ మారాం అని, ఇప్పుడు రాష్ట్రాన్ని విభజిస్తే రాయల తెలంగాణ, ఉత్తరాంధ్ర, నెల్లూరు కూడా ఒక రాష్ట్రం కావాలనే డిమాండ్ లు తలెత్తుతాయన్నారు. హైదరాబాద్, తెలంగాణలో రాష్ట్ర విభజనపై రెఫరెండం నిర్వహించాలని ఆయన కోరారు. రెఫరెండానికి తాము కట్టుబడి ఉంటామని వివేకానందరెడ్డి చెప్పారు. వివేకానంద రెడ్డి వ్యాఖ్యలపై తెలంగాణ కాంగ్రెస్ నాయకులు మండిపడుతున్నారు. అయిన రోడ్ మ్యాప్ ఇచ్చినంతమాత్రనా రాష్ట్రాన్ని ఎలా విభజిస్తారని ఎమ్మెల్యే ఆనం వివేకానందరెడ్డి పశ్నిస్తున్నారు.