పవన్ అభిమానులకు పండగే...?

Posted: 07/08/2013 10:40 AM IST

పవర్ స్టార్ పవన్ కళ్యాణ్, త్రివిక్రమ్ శ్రీనివాస్ కాంబినేషన్లో వస్తున్న ‘అత్తారింటికి దారేది సినిమా ’ ఆడియో పై గత కొన్ని రోజులుగా రక రకాల వార్తలు వస్తున్న విషయం తెలసిందే. మొదట ఈ సినిమా ఆడియోని జూలై 14వ తేదిన విడుదల చేసేందుకు సన్నాహాలు చేస్తున్నారని వార్తలు వచ్చాయి. తరువాత పవన్ ఎలాంటి ఆడియో ఫంక్షన్ లేకుండానే సాదాసీదాగా పాటల్ని మార్కెట్ లోకి విడుదల చేసి, నిర్మాతకు భారం తగ్గించాలని, ఇటీవల ఎన్టీఆర్ ఆడియోలో అభిమాని చనిపోయిన సంఘటనను ద్రుష్టిలో పెట్టుకొని ఆడియోని ఎలాంటి హంగులు లేకుండా విడుదల చేయాలని పవన్ భావించి ఈ నిర్ణయం తీసుకున్నాడని వార్తలు వచ్చాయి. దీంతో పవన్ అభిమానులు కొంత బాధకు గురయ్యారు. కానీ ఇప్పుడు పవన్ ఫ్యాన్స్ కి, మెగా అభిమానులకు ఓ శుభవార్త. తాజాగా ఫిలిం నగర్ నుండి అందిన సమాచారం ప్రకారం.... ఆడియో ఫంక్షన్ లేకుంటే అభిమానులు చాలా నిరాశకు గురవుతారని భావించిన దర్శకుడు, నిర్మాత ఎలాంటి అవాంఛనీయ సంఘటనలు జరగకుండా అన్ని జాగ్రత్తలు తీసుకొని ఆడియోని నిర్వహించాల్సిందేనని పట్టుబట్టి పవన్ ని ఒప్పించారట. దీనికి పవన్ గ్రీన్ సిగ్నల్ ఇవ్వడంతో హడా వుడిగా ఆడియో ఫంక్షన్ కి ఏర్పాట్లు చేస్తున్నారని అంటున్నారు. కానీ దీని పై ఎలాంటి అఫీషయల్ ప్రకటన వెలువడలేదు. ఆడియో తేదికి కొద్ది సమయమే ఉండటం, ఎలాంటి ప్రకటన రాకపోవడంతో ఈ విషయంలో అభిమానులు ఎలాంటి క్లారిటీకి రాలేకపోతున్నారు. ఒకవేళ ఆడియో జరిగితే అభిమానులకు పండగే పండగ.