ఆస్తి కోసం తల్లిని చంపేస్తునంటున్న క్రికెటర్

Posted: 06/29/2013 12:10 PM IST

డబ్బు ఎంతటి వాడినైనా దిగజారుస్తుందనే దానికి ఇదే సంఘటన ఉదాహారణ. నిత్యం మనం వార్తల్లో ఆస్తి కోసం తల్లి, తండ్రిని, బంధువులను చంపిన సంఘటనలు చదువుతుంటాం. ఇలాంటి సంఘటనలు మధ్య, పేద తరగతి కుటుంబాల్లోనే ఎక్కువ జరుగుతుంటాయి. కానీ ఓ ప్రముఖ క్రికెటర్ అయిన పంజాబ్ రాష్ట్రఆటగాడు అయిన మనిప్రీత్ సింగ్ గోనీ ఆస్తి కోసం తన తల్లినే చంపుతానని బెదిరిస్తున్నాడని తన తల్లి పోలీస్ స్టేషన్లో ఫిర్యాదు చేయడం కలలం రేపింది. ఇండియన్ ప్రీమియర్ లీగ్ తో ఆటగాడిగా బయటకు వచ్చిన గోనీ ఇప్పటి వరకు వివిధ జట్టుల్లో ఆడాడు. ప్రస్తుతం ఇతను పంజాబ్ కింగ్స్ లెవన్ జట్టులో సభ్యుడిగా ఉన్నాడు. ఆట పరంగా కాస్తంత పేరుతెచ్చుకున్న గోని ఆస్తి వివాదంతో అపఖ్యాతి పాలవుతున్నాడు. కొన్నాళ్ళ కిత్రం ప్రేమ పెళ్లి చేసుకొని కుటుంబానికి దూరంగా హిమాచల్ ప్రదేశ్ లో ఉంటున్న ఇతడు మొహాలీలో తన తల్లి పేరిట ఉన్న స్థలం పై కన్నేసిన గోనీ బెదిరిస్తున్నాడని (70) ఏళ్ల మొహీందర్ కౌర్ తెలిపింది. ఈ ఫిర్యాదులో మనిప్రీత్ పై తీవ్రమైన ఆరోపణలు చేసింది. ఆ ఆస్తి కోసం తనను చంపుతానని బెదిరిస్తున్నాడని, తన సహోదరుడు అయిన మన్ మోహన్ సింగ్ అతని భార్య కూడా మనిప్రీత్ కి సహకరిస్తున్నారని, తన కొడుకు నుండి కుటుంబ సభ్యుల నుండి తనకు రక్షణ కల్పించాలని, గతంలో ఎన్నోసార్లు ఆరోపణలు చసినా ఫలితం లేదని వాపోయింది. అయితే మరో వైపు ఆరోపణల పై మనీప్రీత్ స్పందించాడు. తాను తన కుటుంబ సభ్యులకు గత కొంత కాలంగా దూరంగా ఉంటున్నానని, తన తల్లి చేసిన ఆరోపణలు నిరాధారమైనవి అన్నాడు. ఈమె ఫిర్యాదును స్వీకరించిన పోలీసులు అతని పై కేసు నమోదు చేశారు. అక్కడి స్థానికుల మాటల ప్రకారం మొహిందర్ కౌర్ పేరిటే అన్ని అస్తులు ఉండటం వలన ఈ వేధింపులు జరుగుతున్నాయని అంటున్నారు.