ప్రపంచవ్యాప్తంగా 500 మంది అతి శక్తివంతులు

Posted: 05/01/2013 05:49 PM IST

ప్రపంచవ్యాప్తంగా 500 మంది అతి శక్తివంతులలో 16 మంది భారతీయులు.  వాషింగ్టన్ నుంచి వెలువడే ప్రతిష్టాత్మక ఫారిన్ పోలసీ పత్రికలో భూమ్మీది 500 మంది అతి శక్తివంతుల జాబితా తయారు చేయగా అందులో 16 మంది భారతీయుల పేర్లు చోటు చేసుకున్నాయి.

వారిలో కాంగ్రెస్ పార్టీ అధ్యక్షురాలు సోనియా గాంధీ, ప్రధానమంత్రి మన్మోహన్ సింగ్, అర్థిక మంత్రి చిదంబరం, రక్షణ మంత్రి ఎ.కె.ఆంటోనీ, విదేశాంగ మంత్రి సల్మాన్ ఖుర్షీద్, భాజపా నాయకురాలు సుష్మా స్వరాజ్, ఢిల్లీ ముఖ్యమంత్రి షీలా దీక్షిత్, ముంబై మేయర్ సునీల్ ప్రభు రాజకీయ రంగం నుంచి ఉన్నారు. 

బాబా రామ్ దేవ్, రవిశంకర్ యోగా, ఆధ్యాత్మిక రంగం నుంచి ఉన్నారు. 

రిసెర్చ్ అండ్ అనాలిసిస్ వింగ్ (ఆర్ ఏ డబ్ల్యు) లో సీనియర్ అధికారి ఆలోక్ జోషి, నేషనల్ సెక్యూరిటీ అడ్వైజర్ శివశంకర్ మీనన్ కూడా ఆ జాబితాలో ఉన్నారు. 

వ్యాపార రంగం నుంచి రిలయన్స్ గ్రూప్ కి చెందిన ముఖేష్ అంబానీ, లక్ష్మీ మిట్టల్ ఉన్నారు. 

ఇంకా, మెడిసిన్స్ సాన్స్ ఫ్రాంటియర్స్ అధ్యక్షుడు ఉన్ని కరుణాకర, ఆమ్నెస్టీ ఇంటర్నేషనల్ జనరల్ సెక్రటరీ సలీల్ శెట్టీ కూడా అత్యంత శక్తివంతుల జాబితాలో ఉన్నారు. 

ఇలా 16 మంది భారతీయులను ప్రపంచ దేశాలలోని మొత్తం 500 మంది శక్తివంతులలో చేర్చింది ఫారిన్ పాలసీ పత్రిక

-శ్రీజ