Posted: 02/26/2013 12:54 PM IST

వైఎస్ఆర్ కాంగ్రెస్ పార్టీ అధినేత  వైఎస్ జగన్మోహన్  రెడ్డి  వాడే ఉతపదాన్ని  .. చంద్రబాబు నాయుడు వాడుతున్నారు.  వైఎస్ జగన్   మాటకు మందు కుట్రలు, కుతంత్రాలు,  మాట వెనక కుట్రలు, కుతంత్రాలు అనే మాట్లాడట  వైఎస్ జగన్ కు అలావాటు.  అదేవిధంగా  ఇప్పుడు  టీడీపీ అధినేత నారా చంద్రబాబు నాయకుడు కూడా  జగన్ వాడిన పదాలను వాడుతున్నారు.  గుంటూరు జిల్లాలో పాదయాత్ర చేస్తున్న చంద్రబాబు సీఎం కిరణ్ పై మండిపడ్డారు. రెండో పంటకు ఆరుతడి కింద ఒకేఒక్క విడత సాగునీరు ఇవ్వకుంటే ఉద్యమిస్తామన్న మాటను వక్రీకరించి తనపై కేసులు బనాయించేందుకు ముఖ్యమంత్రి కిరణ్ కుమార్‌రెడ్డి కుట్ర పన్నుతున్నారని, చంద్రబాబు నాయుడు అన్నారు. గుంటూరు జిల్లా రేపల్లె మండలం అర్వపల్లిలో ఆయన ‘వస్తున్నా... మీకోసం’ పాదయాత్ర నిర్వహించారు. ఈసందర్భంగా నల్లూరిపాలెంలో ఏర్పాటు చేసిన సభలో మాట్లాడుతూ రైతులకు రెండో పంటకు సాగునీరివ్వాలని ధర్నా చేయాలని నిర్ణయించిన దశలో వరుణుడు కరుణించి పంటలకు సరిపడా నీరు అందిందని చంద్రబాబు అన్నారు. ఇక మరో తడి మొక్కజొన్నకు అవసరమైనందున సాగునీరు ఇవ్వని పక్షంలో రైతులు రోడ్లపైకి వచ్చినప్పుడే కాంగ్రెస్ ప్రభుత్వం దిగివస్తుందన్నారు. ఈనేపథ్యంలో తన మాటలను వక్రీకరించి కేసులు బనాయించినప్పటికీ సాగునీటిని విడుదల చేసేంతవరకూ పోరాటం కొనసాగిస్తామన్నారు. టిడిపి పేదల పార్టీ అని, ప్రజలిచ్చే విరాళాలతోనే పార్టీని నడిపిస్తున్నామన్నారు. రానున్న అసెంబ్లీ ఎన్నికల్లో ఒకసారి తనకు అవకాశమిస్తే రాష్ట్రాన్ని తిరిగి అభివృద్ధి పథంలో నడిపిస్తానన్నారు. విద్యార్థులకు ఫీజు రీయింబర్స్‌మెంట్ పేరుతో ప్రభుత్వం మోసం చేసి ఇప్పటివరకూ ఫీజులు చెల్లించకపోవటం అన్యాయమని, పరీక్షల కాలం సమీపిస్తుండటంతో విద్యార్థుల్లో ఆందోళన నెలకొందన్నారు. నిత్యాసర సరుకులు, విద్యుత్, గ్యాస్, పెట్రో ధరలు విపరీతంగా పెరగటం సామాన్యులు, మధ్యతరగతి వారికి భారంగా మారిందన్నారు. విద్యుత్ కొరత వల్ల పరిశ్రమలు మూతపడ్డాయన్నారు.