Mayawati voices pm ambitions

mayawati, bsp, uttar pradesh, bsp, congress, bjp, lok sabha elections 2014

BSP supremo Mayawati on Sunday voiced her prime ministerial ambitions by asking party workers to ensure a 'big victory' for it in the next Lok Sabha elections so that she can deliver the Independence Day speech from the Red Fort. " /> Posted: 02/18/2013 12:24 PM IST

2014 ఎన్నికలు సమీపిస్తున్న కొద్ది ప్రధాని పీఠం పై చాలా మంది నేతలకు ఆశ పుడుతుంది. ఇప్పటికే వివిధ పార్టీల నుండి చాలా మంది అభ్యర్థులు ప్రధాని రేసులో ఉన్నామనే సంకేతాలు ఇస్తున్నారు. తాజాగా ఉత్తరప్రదేశ్‌ మాజీముఖ్యమంత్రి, బహుజన్‌ సమాజ్‌ పార్టీ (బీఎస్పీ) అధ్యక్షురాలు మాయావతికి ప్రధానమంత్రి పదవి ఆశ పుట్టి, ఆమె మనస్సులోని మాటను బయట పెట్టింది. పార్టీ కార్యకర్తల సమావేశంలో ఈమె మాట్లాడుతూ.... తాను ప్రధాని పదవి కోరుకుంటున్నట్లు ఆమె స్పష్టం చేశారు. వచ్చే లోక్ సభ ఎన్నికల్లో బీఎస్పీ పార్టీ ఘనవిజయం సాధించేందుకు పార్టీ కార్యకర్తలు క్రుషి చేయాలని ఆమె అన్నారు. వచ్చే సాధారణ ఎన్నికల్లో పార్టీ ఘనవిజయం సాధించేందుకు తోడ్పడాలని,  ప్రధానమంత్రి హోదాలో ఎర్రకోట నుంచి స్వాతంత్య్ర దినోత్సవ ప్రసంగం చేయగలనని చెప్పారు.

‘అసెంబ్లీ, లోక్‌సభ ఎన్నికల సమయంలో మీకు లంచం ఇచ్చి లొంగదీసుకోవాలని కొన్ని శక్తులు ప్రయత్నిస్తాయి. వాటికి దూరంగా ఉండండి. మీరు అమ్ముడుపోయే వస్తువుగా మారకండి అని ఉత్తరప్రదేశ్‌ మాజీ ముఖ్యమంత్రి తన పార్టీ కార్యకర్తలకు హితభోత చేశారు.  ఆంధ్రప్రదేశ్‌ను విభజించి ప్రత్యేక తెలంగాణను ఏర్పాటు చేయడానికి ఆమె మద్దతుపలికారు. అలాగే, విదర్భకు రాష్ట్ర ప్రతిపత్తి కల్పించాలన్నారు. లక్షలాది మంది ప్రభుత్వోద్యోగుల హక్కుల్ని కాలరాసేందుకు కాంగ్రెస్‌, బీజేపీ కుట్ర చేశాయని కూడా బీఎస్పీ అధినేత్రి ఆరోపించారు . తనకు అధికారం ఇస్తే, విదర్భ తో పాటు, మహారాష్ట్రను ఉత్తర ప్రదేశ్ గా మారుస్తానని ఆమె అన్నారు. మరి మాయావతి కంటున్న కలలు ఎప్పటికి నెరవేరుతాయో చూడాలి.