Posted: 01/21/2013 10:25 AM IST

కేంద్ర హోంశాఖ మంత్రి సుషీల్ కుమార్ షిండే... జైపూర్ లో జరిగిన కాంగ్రెస్ చింతన్ శిభిర్ లో బీజేపీ, రాష్ట్రీయ స్వయం సేవక్ సంఘ్ లను ఉద్దేశించి తీవ్రమైన వ్యాఖ్యలు చేశారు. భారతీయ జనతా పార్టీ, రాష్ట్రీయ స్వయం సేవక్ సంఘ్‌లు ఉగ్రవాద శిక్షణ శిబిరాలను నిర్వహిస్తున్నాయని, 'హిందూ ఉగ్రవాదాన్ని' ప్రోత్సహిస్తున్నాయని శాంతిని నెలకొల్పడానికి మేం ఇన్ని చర్యలు తీసుకుంటుంటే.. ఆర్ఎస్ఎస్, బీజేపీ హిందూ ఉగ్రవాదాన్ని ప్రోత్సహించడానికి శిక్షణ శిబిరాలను నిర్వహిస్తున్నాయని, సంఝౌతా ఎక్స్ ప్రెస్ ఘటన, మక్కా మసీదు పేళుళ్ళు, మాలెగావ్‌లో పేలుళ్ల వెనుక వీరి హస్తం ఉందని, వీరు పెంచి పోషించిన ఉద్రవాద సంస్థలో ఆ ఘటనలకు పాల్పడ్డాయని అన్నారు. ఉగ్రవాదాన్ని ప్రోత్సహించడానికి ఆర్ఎస్ఎస్, బీజేపీలు శిక్షణ శిబిరాలను నిర్వహిస్తున్నాయని దర్యాప్తు నివేదికల్లో వెల్లడైందని అన్నారు. 

అయితే, షిండే వ్యాఖ్యలపై ఆర్ఎస్ఎస్, బీజేపీ నేతలు తీవ్రస్థాయిలో మండిపడ్డారు. కాంగ్రెస్ అధినేత్రి సోనియాగాంధీ క్షమాపణ చెప్పాలని డిమాండ్ చేశారు. ఈ వ్యాఖ్యలతో పాక్ ఉగ్రవాదులకు 'ఆక్సిజన్' అందించినట్లేనన్నారు. షిండే వ్యాఖ్యలు బాధ్యతారాహిత్యానికి పరాకాష్ఠ అని, అధిష్ఠానాన్ని సంతృప్తిపరిచేందుకే ఆయన ఆ వ్యాఖ్యలు చేశారని ఆర్ఎస్ఎస్ అధికార ప్రతినిధి విమర్శించారు. ఓ వైపు బీజేపీ అగ్గిమీద గుగ్గిలం అవుతుంటే మరోవైపు మణి శంకర్ అయ్యర్ హోం మంత్రి షిండేని సమర్ధించారు.ఈ విషయం తమందరికీ తెలుసునని అయితే షిండే ధైర్యంగా వెల్లడిచేశారని అయ్యర్ పేర్కొన్నారు.  ఏది ఏమైనా హోంమంత్రి ఇలాంటి వ్యాఖ్యలు చేయడం సరికాదని అంటున్నారు.