Posted: 01/03/2013 06:12 PM IST

రాష్ట్రంలో  తెలుగుదేశం పార్టీ అధినేత నారా చంద్రబాబు నాయకుడు  వస్తున్నా మీకోసం అంటూ  పాదయాత్ర మొదలు పెట్టిన విషయం తెలిసిందే. అయితే చేస్తున్న పాదయాత్రతో  పాటు కొన్ని రాజకీయ పార్టీలు కూడా పాదయాత్ర చేపట్టిన విషయం తెలిసిందే.  అయితే ఆ పార్టీలో మధ్యలోనే  పాదయాత్రకు  ఆపటం జరిగింది.  తెలంగాణ ప్రాంతంలో విజయవంతగా పాదయాత్ర చేస్తున్న బాబు కు తెలంగాణ ప్రజలు బ్రహ్మరథం పడుతున్నారు.  చంద్రబాబు పాదయాత్రకు  వస్తున్న స్పందన తో  బాబు మరింత ఉత్సంహంతో ముందుకు పోతున్నారు.  ఈ రోజు ఆయన ఒక సరికొత్త  రికార్డును  సొంతం చేసుకున్నారు.  వస్తున్నా మీకోసం పాదయాత్రలో టీడీపీ అధినేత చంద్రబాబు నాయుడు సరికొత్త రికార్డును నమోదు చేశారు. గతంలో 53 ఏళ్ల వయసులో వైఎస్ రాజశేఖర్‌రెడ్డి చేసిన 1468 కి.మీ పాదయాత్రను చంద్రబాబు బ్రేక్ చేశారు. జిల్లాలో ఏడో రోజు పాదయాత్రలో ఉన్న బాబు దస్రూనాయక్ తండాలో 1500 మైలు రాయిని దాటి ఆ రికార్డును బద్దలు కొట్టారు.

దీంతో టీడీపీ శ్రేణుల్లో కొత్త ఉత్సాహం నెలకొంది. వస్తున్నా మీకోసం కార్యక్రమంలో భాగంగా బాబు పాదయాత్ర 90 రోజు కొనసాగుతోంది. జిల్లాలో ఏడో రోజు నడకసాగిస్తున్నారు. ఈ సందర్భంగా కిరణ్ సర్కార్‌పై బాబు విరుచుకుపడ్డారు. కాంగ్రెస్ ఓ చేతగాని ప్రభుత్వమన్నారు. కరెంట్ సరిగా ఇవ్వలేని ప్రభుత్వం సర్‌చార్జీల పేరుతో ప్రజలపై భారం మోపుతోందని వ్యాఖ్యానించారు. రూ.10 వేల కోట్ల భారం వేసేందుకు రంగం సిద్ధమైందని చంద్రబాబు విమర్శించారు.  చంద్రబాబు  సాధించిన రికార్డు తో  ఆ పార్టీలో నాయకుల్లో  కొత్త ఆనందం కనబడుతుంది. పార్టీ నాయకులు, కార్యకర్తలు  ఉత్సహంగా  పాదయాత్రలో పాల్గొనటానికి  వరంగల్  వెళ్లుతున్నట్లు  ఆ పార్టీ నాయకులు చెబుతున్నారు.