Posted: 12/28/2012 10:28 AM IST

భారత గడ్డ పై పుట్టి పెరిగి,  భారతదేశం తరపున  ఆడి పేరుతెచ్చుకుంది. ఇప్పటి యూత్‌కు ఆమె పేరు చెబితే చాలు...ఆమె ఆడే ఆట పేరు చెప్పేస్తారు. టెన్నిస్‌ అనగానే ముందుగా ఆమె పేరే గుర్తుకువస్తుంది. క్రికెట్‌ను వెర్రిగా చూసే యూత్‌ ఆమె రాకతో టెన్నిస్‌ వీరాభిమానులుగా మారిపోయారనేది అక్షరసత్యం. సానియా...ఆటలో డబుల్స్‌ ఆడినా ఫరవాలేదు కానీ...జీవితంలోనూ ఆమె డబుల్స్‌ ఆడి వార్తల్లోకెక్కి వార్తల్లో వ్యక్తిగా చోటు సంపాదించింది సానియా మీర్జా.   పాకిస్థాన్  క్రికెటర్  షోయబ్  మాలిక్ ను  పెళ్లాడిన  భారత టెన్నిస్  స్టార్  సానియా మీర్జా .. ఈ రెండు దేశాల మద్య  క్రికెట్  జరుగుతుంటే  ఎవరికి మద్దతు ఇస్తుంది? మామూలుగా అయితే భారత్ కేనట. కానీ   షోబయ్  మాలిక్  పాకిస్థాన్  జట్టులో ఉన్నప్పుడు  మాత్రం ఇండియా కు మద్దతు ఇవ్వదట.  సానియా తండ్రి  ఇమ్రాన్  మీర్జా  ఈ విషయం చెప్పారు.  మా అమ్మాయి భారత జట్టుకే  మద్దతు ఇస్తుంది.  కానీ పాకిస్థాన్  జట్టులో  షోయబ్  మాలిక్ ఉన్నప్పుడు  మాత్రం  సానియా  మద్దుతు  పాకిస్థాన్ కే ఉంటుందని  ఆమె తండ్రి  ఒక ముంబై పత్రికతో చెప్పారు.  తొలి టి 20లో  షోయబ్  మాలిక్   ప్రదర్శన  పట్ల తమ  కుటుంబం  ఆనందంగా  ఉందని,  అయితే  భారత్  ఓడిపోవడం మాత్రం  నిరాశను  కలిగించిందని అన్నారు. 

ఆ మ్యాచ్ లో  షోయబ్ కే  మ్యాన్ ఆఫ్ ద మ్యాచ్   అవార్డు  ఇవ్వాల్సింది .  హఫిజ్ అవుటయ్యక  కూడా చివరి వరకూ  క్రీజులో నిలబడి కీలక ఇన్నింగ్స్  ఆడాడు  అని ఇమ్రాన్ మీర్జా అన్నారు.   సానియా  మీర్జా  కొత్త సీజన్  కోసం   ఆస్ట్రేలియా  వెళ్లింది.  సాధారణంగా  క్రికెట్  మ్యాచ్ లను  ఆసక్తిగా  చూసే సానియా..  తన భర్త  ఆడుతున్న  మ్యాచ్ ను చేసేందుకు వెళ్లలేదని ఆమె తండ్రి చెబుతున్నారు.  సానియా  అక్కడికి వెళ్లి  మ్యాచ్  చూడటం వల్ల  చాలా ముఖ్యమైన మ్యాచ్  ఆడుతున్న  మాలిక్ పై  అదనంగా  ఒత్తిడి పెరుగుతుందని అందువల్ల  సానియా ఇంట్లో కూర్చుని  మ్యాచ్  చూసిందని  ఆమె తండ్రి ఇమ్రాన్  మీర్జా  చెప్పారు.  ఏమైన  పెళ్లి కాక ముందు  మన అమ్మాయి అవుతుంది. పెళ్లి అయిన తరువాత  ‘అడ’ పిల్ల అవుతుందనే సూత్రం  సానియా బాగా పాటించిందని  ఆమె అభిమానులు అంటున్నారు.  పెళ్లికాక ముందు  నేను ఇండియా కే మద్దతు ఇస్తానని పలికిన సానియా, తన భర్తకే ఓటేసింది. భర్త షోయబ్ మాలిక్ ఎటు ఆడితే  అటే భారత వనిత సానియా మద్దతు పలుకుతుందని  సొంత తండ్రి చెప్పటం విశేషంగా ఉందని  సానియా అభిమానులు అంటున్నారు.