Posted: 12/27/2012 09:26 AM IST

అఖిలపక్ష సమావేశానికి ఇంకా మరికొన్ని గంటలు మాత్రమే ఉంది.  సెకన్ల ముళ్ళు ఎలా ఫాస్టుగా తిరుగుతందో అన్ని పార్టీల గుండెలు అలా ఫాస్టుగా కొట్టుకుంటున్నాయి. ఇక ప్రధాన ప్రతిపక్షం అయిన తెలుగు దేశం పార్టీ కూడా తన అభిప్రాయాన్ని అఖిలపక్ష సమావేశంలో మరో సారి వినిపించడానికి సిధ్ధం అయింది. 2008 అఖిల పక్ష సమావేశంలో ఏం అభిప్రాయం చెప్పారో, ఇప్పుడు అదే అభిప్రాయాన్ని చెప్పడానికి సిద్ధం అయినట్లు తెలుస్తుంది.  తెలం గాణ రాష్ట్రం ఏర్పడినా పార్టీకి వచ్చిన నష్టమేమీ లేదన్న భావనతో ఉన్న టీడీపీ నాయకత్వం నిన్న సీమాంధ్ర నేతలతో చర్చలు జరిపింది. ఈ సమావేశంలో అఖిల పక్షంలో ఏం చెప్పాలనే దాని పై స్పష్టత వచ్చినట్లు తెలుస్తుంది. ఆ మేరకు 2008లో ప్రణబ్‌ ముఖర్జీ కమిటీకి ఎర్రన్నాయుడు అందించిన తెలంగాణ అనుకూల లేఖను సమావేశంలో ప్రముఖంగా ప్రస్తావించనుంది.

2008లో పార్టీ తరఫున ప్రణబ్‌కు ఇచ్చిన లేఖలో తాము తెలంగాణకు కట్టుబడి ఉన్నామని, తిరిగి తమ వైఖరి మార్చుకోలేదని, 2009లో జరిగిన ఎన్నికల్లో తెలంగాణ రాష్ట్రం కోసం ఏర్పాటయిన టీఆర్‌ఎస్‌తో కలసి పోటీ చేసిన విషయాన్ని గుర్తు చేయనుంది. 2009 ఎన్నికలయిన తర్వాత ఇప్పటి వరకూ తాము ఎలాంటి వైఖరి మార్చుకోలేదని స్పష్టం చేయనుంది. తాము 2008లోనే లేఖ రాసినప్పటికీ, ఇంతవర కూ కేంద్రం నిర్ణయం తీసుకోకపోగా, అసలు ఇప్పటివరకూ కాంగ్రెస్‌ పార్టీ తన వైఖరి ప్రకటిం చకపోవడానికి కారణమేమిటని నిలదీయనుంది. కాంగ్రెస్‌ వల్లే తెలంగాణలో సమస్యలు వస్తున్నా యని, తన వైఖరి చెప్పకుండా మిగిలిన పార్టీల అభిప్రాయాలు అడిగే హక్కు కాంగ్రెస్‌కు ఎక్కడ ఉందని ఎదురుదాడి చేయడానికి కూడా సిద్ధం అయినట్లు తెలుస్తుంది.