Posted: 12/20/2012 09:29 AM IST

ఈ మధ్యన సినిమా హీరోయిన్ల పెళ్ళిళ్ళు చాలా పెటాకులు అవుతున్నాయి. కారణాలు ఏమైనా కానీ, ఏడు అడుగులు కలిసి జీవితాంతం నడవాల్సిన వారు మధ్యలోనే విడాకులు తీసుకుంటున్నారు. మొన్నామధ్య మనీషా కోయిరాల, ఈ మధ్యనే మళయాళ నటి మమతా మోహన్ దాస్, ఇప్పుడు తాజాగా మరో హీరోయిన్ కూడా వీరి జాబితాలో వచ్చి చేరింది. అసలు విషయం ఏంటంటే... కన్నడ నటి అయిన పూజీ గాంధీకి ప్రముఖ వ్యాపార వేత్త అయిన ఆనంద్ గౌడతో నవంబర్ 15న నిశ్చితార్థం జరిగిన విషయం తెలిసిందే. వీరి పెళ్లి త్వరలో జరగబోతుందని కూడా ప్రకటించారు. కానీ పెళ్లి పీఠల వరకు వెళ్లక ముందే వీరిద్దరి మధ్య విభేధాలు వచ్చి, నిశ్చితార్థం రద్దు అయిందనే వార్త కన్నడ పరిశ్రమలో సంచలనం రేపుతుంది.

కన్నడ ఛానల్స్ అయితే ఫుల్ వాల్యూమ్ పెట్టి ప్రసారాల మీద ప్రసారాలు చేస్తున్నాయి. అక్కడి వార్తల ప్రకారం... ఆనంద్ గౌడ పై పూజా గాంధీ తల్లి  ఆనంద గౌడ అధికబరువుపై కామెంట్స్ చేసిందట. అతన్ని కోకాకోలా బాటిల్ అంటూ కామెంట్ చేసిందట. ఈ వ్యాఖ్యలతో మనస్థాపానికి గురైన ఆనంద్ గౌడ నిశ్చితార్థాన్ని రద్దు చేసుకునే పనిలో ఉన్నాడట. పూజా గాంధీ ఫాదర్ బెంగుళూరు చేరుకుని వీరిద్దరి మధ్య రాజీ కుదర్చడానికి, విడిపోకుండా ఉండటానికి ప్రయత్నాలు చేస్తున్నారనే వార్తలు వినిపిస్తున్నాయి. ఆనంద గౌడను వదిలించుకోవడానికే పూజాగాంధీ ఫ్యామిలీ ఇలా ప్రవర్తిస్తుందనే పుకార్లు వస్తున్నాయి. కన్నడ రాజకీయాల్లో రాణించాలని ప్రయత్నిస్తున్న పూజా గాంధీకి ఇంకేమైనా పెద్ద ఆఫర్ వచ్చిందో లేక ఆనంద్ గౌడతో తాను ఆనందంగా ఉండలేనని భావించిందో గానీ, వీరి నిశ్చితార్థం పెళ్లి వరకు కూడా వెళ్లలేదంటున్నారు.