Posted: 12/18/2012 04:06 PM IST

‘ఆడపిల్లే కదా అని అణగదొక్కాలనుకుంటే అంతు చూస్తాం’ అంటున్నారు మాధురీ దీక్షిత్, జుహి చావ్లా. ఈ ఇద్దరూ ఇంతగా ఆవేశపడుతున్నారు. దేశంలో మహిళలపై జరగుతున్న దాడులను అరికట్టడంలో  ప్రభుత్వం, పోలీస్ వారు విఫలమవుతున్నారు.  పట్టపగలే  మహిళ జాతికి రక్షణ లేకుండా పోతుందని కొన్ని మహిళ సంఘాలు  దుమ్మెత్తిపోస్తున్నాయి. మానవ మ్రుగానికి  మహిళలు బలైపోతున్నారని  మహిళమణులు అంటున్నారు.  రీసెంట్ గా  దేశ  రాజదానిలో ఢిల్లీ లో  జరిగిన సంఘట పై మహిళ సంఘలు తీవ్ర స్థాయిలో ఆందోళన చేస్తున్నారు. కొన్ని రాజకీయ పార్టీలు కూడా  నిరసనలు తెలుపుతున్నాయి.  మహిళలపై   అత్యాచారానికి పాల్పడేవారిని  ఉరితీయాలని  బీజేపి నాయకురాలు  సుష్మాస్వరాజ్  అన్నారు.  సామూహిక అత్యాచార ఘటనలు జరుగుతుంటే  కేంద్ర,  రాష్ట్ర ప్రభుత్వాలు  ఏం చేస్తున్నాయని  ఆమె నిలదీశారు.   అయితే  మహిళలపై జరుగుతున్న  దాడులను  ద్రుష్టిలో ఉంచుకోని  బాలీవుడ్ దర్శకుడు  సౌమిక్ సెన్ ఒక సినిమా తీస్తున్నట్లు తెలుస్తోంది. ఆడపిల్లే కదా అని అణగదొక్కాలనుకుంటే అంతు చూస్తాం అంటున్నారు మాధురీ దీక్షిత్, జుహి చావ్లా. ఈ ఇద్దరూ ఇంతగా ఆవేశపడుతున్నది రియల్ లైఫ్‌లో కాదు.. రీల్ కోసం సుమా! మాధురి, జుహి ప్రధాన పాత్రల్లో ‘గులాబ్ గ్యాంగ్’ అనే చిత్రం రూపొందుతోంది. ఆడవాళ్లపై జరిగే అన్యాయాలను ఎదిరించే వీర నారీమణుల కథ ఇది. ఉత్తరప్రదేశ్‌లోని బుంధేల్‌కండ్‌లో ఉన్న గులాబీ గ్యాంగ్‌ని స్ఫూర్తిగా తీసుకుని దర్శకుడు సౌమిక్ ఈ చిత్రం చేస్తున్నారు. ఇప్పటివరకు వెండితెరపై పలు గ్లామరస్ పాత్రలు చేసిన మాధురి, జుహి ఈ చిత్రంలో డీ-గ్లామరైజ్డ్ రోల్స్‌లో కనిపిస్తారు. సినిమాలో గులాబ్ గ్యాంగ్‌కి నాయకత్వం వహిస్తారు కాబట్టి.. పింక్ రంగు చీరల్లో కనిపిస్తారట మాధురి, జుహి. అయితే ఈ సినిమా మహిళా ప్రాధాన్యం ఉన్న చిత్రం కావడంతో మహిళా దినోత్సవం సందర్భంగా ఈ చిత్రాన్ని మార్చి 8న విడుదల చేయాలని ముందు అనుకున్నారు. అయితే ఆలోపు సినిమా పూర్తయ్యే అవకాశం కనిపించడంలేదట. అందుకని మార్చి తర్వాతే విడుదల చేస్తామని చిత్రనిర్మాత అనుభవ్‌సిన్హా పేర్కొన్నారు. ఈ కథకు మాధురి, జుహి అయితేనే న్యాయం జరుగుతుందంటున్నారు చిత్రదర్శకుడు సౌమిక్‌సేన్.