Posted: 12/07/2012 10:13 AM IST

రాజకీయ నాయకులు ఎప్పుడు ఏం మాట్లాడతారో, ఏప్పుడు ఎవరిని ఏడిపిస్తారో ఎవరికి తెలియదు.  అయితే  రాజకీయ నాయకులు మాత్రం ఎప్పుడు ఆనందంగా ఉంటారు. అంటే పైకి అలా కనిపిస్తారు. కానీ లోపల మాత్రం రాజకీయం మంటలు మండుతునే ఉంటాయి.  ఒక్కొక్కసారి  అవి బయటకు వచ్చి ఎదుటి వారిని  మాటలతో కాల్చిపారేస్తాయి. ఇప్పుడు బీజేపి  సీనియర్ వెంకయ్య నాయుడు కూడా అదే చేశారు. ఆయన అందరి సమక్షంలో  కాంగ్రెస్ మహిళ ఎంపీని ఏడిపించారు.  చిల్లర వర్తకంలో  ఎఫ్ ఢీఐ లపై  సర్కారు  వైఖరిని  ఎండగట్టిన వెంకయ్య అదే క్రకమంలో  నోరు జారారు.  తన వాక్ ప్రవాహానికి  అడ్డుతగులుతున్న  కాంగ్రెస్ మహిళా  ఎంపీ ప్రభాఠాకూర్ ను  ‘బేవకూప్’ అంటూ మండిపడ్డారు.  అంటే అప్పుడు ఆయన సహనం చనిపోయి  బీపి పెరిగి అలా మాట్లాడి ఉంటాడని  బీజేపి నాయకులు  సమర్థించారు. కానీ  వెంకయ్య నాయకుడు మాటలకు ప్రభా ఠాకూర్ అడ్డుతగులుతూ  బీజేపి అథ్యక్షుడు  గడ్కరీకి పెట్టుబడులు గురించి ఆమె  వెంకయ్య నాయుడు పై విమర్శచేయటం మొదలుపెట్టారు. అలాంటి  సమయంలో  వెంకయ్య నాయుడు సహనం కోల్పోయి  ఆమె బుద్ది హీనురాలు ( బేవకూఫ్) అని అన్నారు. ఆ మాటలు  విన్న ప్రభా ఠాకూర్  కంగుతిన్నారు.   వెంకయ్య నాయుడు మాటల యుద్దం రాజ్య సభ సాక్షి జరిగింది. 

అందరి ముందు   ఒక మహిళ అని కూడా చూడకుండా కాంగ్రెస్ ఎంపీని బుద్దీహీనురాలు అనటంపై  పార్టీ నాయకులు మండిపడుతున్నారు. తమ పార్టీ ఎంపీని  అభ్యంతరకర భాషలో దుషించడంపై  వెంకయ్య నాయుడు క్షమాపణ చెప్పాలని  కాంగ్రెస్ నాయకులు డిమాండ్ చేశారు. సందట్లో సడేమియా గా  ప్రభా ఠాకూర్   కూడా రాజ్యసభ ముఖంగా  కంటతడి పెట్టినట్లు తెలుస్తోంది.  ఆమె కంటతడి చూసి  కాంగ్రెస్ పార్టీ మహిళ నాయకురాలు రేణుకా చౌదరి , వి. హనుమంతరావు ఇతర కాంగ్రెస్   సభ్యులంతా  ఒంటి కాలపై లేచారు. దీంతో రాజ్యసభలో  గందరగోళం ఏర్పడింది.  దీంతో అధికార పక్ష సభ్యులంతా  నిరసనకు దిగడంతో  డిప్యూటీ చైర్మన్  పీజే కురియన్  రంగంలోకి దిగి సభను వాయిదా వేశారు. తరువాత  వెంకయ్య నాయుడుతో ప్రభా ఠాకూర్ ను  కలిసి క్షమాపణలు చెప్పారు.  అయితే  వెంకయ్య నాయుడు  వ్యక్తిగతంగా నేను అందరినీ చాలా గౌరవిస్తాను. ఎవరినీ కించపరిచే ఉద్దేశంలేదు. కానీ సభలో వాడి వేడి  చర్చల మద్య  నేను అలా మాట్లాడును అని రాజ్యసభ సభ్యులు ముందు   చెప్పటంతో  కాంగ్రెస్ నాయకులు శాంతించినట్లు తెలుస్తోంది.