Posted: 12/06/2012 10:17 AM IST

కాంగ్రెస్ అధిష్టానంలో  ప్రత్యేక తెలంగాణ రాష్ట్రం పై కదిలికలు వచ్చిన విషయం తెలిసిందే. తెలంగాణ కాంగ్రెస్ మంత్రులు, ఎంపీలు ఆనందంలో ఉన్నారు. హోంమంత్రి చర్చలు జరిపి తెలంగాణ పై చర్చలు జరిపేందుకు ఒక తేదిని నిర్ణయించారు. దీనిపై తెలంగాణ ప్రజలకు  ఆనందంగా ఉన్నట్లు తెలుస్తోంది. అయితే జేఏసీ నేత కోదండరాం మాత్రం అసంత్రుప్తితో ఉన్నట్లు తెలుస్తోంది. ఆయన దీనిపై మండిపడుతున్నారు.  తెలంగాణ పై అఖిలపక్ష భేటి నిర్వహిస్తామని  యూపీఏ  ఎందుకు ప్రకటించింది? ఎఫ్ ఢీఐ ఓటింగ్ గండం నుంచి  గట్టేక్కేందుకా? లేకా సమస్య  పరిష్కారానికి చిత్తశుద్దితో  ఆ ప్రకటన చేశారా?  అని తెలంగాణ ఐకాస చైర్మన్  కోదండరాం ప్రశ్నించారు. అసలు ఈ విషయాన్ని  తెలంగాణ కాంగ్రెస్  ఎంపీలు  తేల్చుకోవాలన్నారు.  అఖిల పక్షం భేటీ  విషయంలో  కేంద్ర ప్రకటన  అసమగ్రంగా  ఉందని వ్యాఖ్యానించారు. తెలంగాణపై  రోడ్ మ్యాఫ్  ప్రకటించకుండా  అఖిల పక్ష బేటీ నిర్వహించడం వల్ల  లాభం ఉండదని  కోదండరాం  పేర్కొన్నారు.  తెలంగాణ ఏర్పాటు పై తేదీలతో సహా రోడ్ మ్యాఫ్ ప్రకటించాలని.. అలాకాకుండా  గాలిమాటలతో  సరిపెట్టాలని  చూస్తే  ప్రయోజనం ఉండదన్నారు.  

అయితే తెలంగాణ  కాంగ్రెస్ ఎంపీలకు మేము అండగా ఉంటాం అని భరోసా ఇచ్చారు.  ఉద్యమంలో ఉంటేనే వారికి అండగా ఉంటాం  తప్ప, వైకాపాలోనో, తెదేపాలోనో చేరితే మద్దతివ్వమని  కోదండరాం తేల్చి చెప్పారు.  ఎఫ్ ఢీ ఐ లపై ఓటింగ్  సందర్భంగా  ఎంపీ కావూరి  సాంబశివరావుకు  ఫోన్ చేసిన ప్రధాని ..  తెలంగాణ కాంగ్రెస్  ఎంపీలకు  మాత్రం ఫోన్ చేయకపోవడం  తెలంగాణ వారి పట్ల వివక్షకు ఓ ఉదాహారణ మాత్రమేనని  ఆయన పేర్కొన్నారు.