Posted: 10/20/2012 01:46 PM IST

తెలుగు సినీ పరిశ్రమలో  పూరి మండించిన మంటలు మండుతూనే ఉన్నాయి.  ఈ మంటలను ఆర్పాటానికి  ప్రభుత్వం చర్యతీసుకున్నట్లు తెలుస్తోంది. రాంబాబు పై తెలంగాణ వాదులు పేల్చిన బాంబులు  టాలీవుడ్ ను షేక్ చేశాయి.  అందుకు ప్రభుత్వం కదిలి ఒక కమిటీ ఏర్పాటు చేసినట్లు తెలుస్తోంది. రాంబాబు కోసం ప్రభుత్వం తరపు నుండి మంత్రి డి.కె. అరుణ రంగంలోకి దిగినట్లు తెలుస్తోంది.  తెలంగాణ ఉద్యమంపై విషం చిమ్ముతూ నిర్మించిన ‘కెమెరామెన్ గంగాతో రాంబాబు’ సినిమా వివాదంపై ఎట్టకేలకు ప్రభుత్వం స్పందించింది. ఈచిత్ర వివాదాన్ని పరిష్కరించేందుకు ప్రభుత్వం ఒక కమిటీని నియమించింది. సమాచార శాఖ కమిషనర్ చంద్రవదన్ అధ్యక్షతన కమిటీని ఏర్పాటు చేసింది. కమిటీలో సభ్యులుగా నమస్తే తెలంగాణ ఎడిటర్ అల్లం నారాయణ, సినీ దర్శకుడు తమ్మారెడ్డి భరధ్వాజ, విజయేందర్, వందేమాతరం శ్రీనివాస్, ఎన్.శంకర్, శ్రీధర్‌లను నియమించారు. ఇవాళ మధ్యాహ్నం 12-30 గంటలకు ఈ కమిటీ సినిమాను వీక్షిస్తుంది. చిత్రంలో అభ్యంతరకర సన్నివేశాలు, డైలాగులు ఉంటే తొలగించాలని సమాచార, పౌరసంబంధాలు, సినీ ఆటోగ్రఫీ మంత్రి డీకే అరుణ ఆదేశించారు. ఈమేరకు కమిటీని నియమిస్తున్నట్టు ఆమె ఉత్తర్వులు జారీ చేశారు.