సుమతీ శతకము

Posted: 04/02/2014 10:51 AM IST

అధరము కదిలియుఁ గదలక

మధురములగు భాషలుడిగి మౌనవ్రతుఁడౌ

నధికార రోగపూరిత 

బధిరాంధక శవముఁ జూడఁ బాపము సుమతీ!

టీకా : అధరము = క్రింది పెదవి, కదలియున్ కదలక = కదలినట్లు అడుగుపడనీయక ; మధుమములగు = ఇంపైక ; భాషలు = మాటలు, ఉడిగి = వదలి, మౌనవ్రతుఁడై = ఎవరితోడును పలకనివాడై ; అధికార రోగపూరిత = అధికారమనెడు రోగముచే నిండినవాడైన ; బధిరాంధక = చెవుడును, గ్రుడ్డితనముగల ; శవమున్ = పీనుగువంటివాడిని, చూడన్ = చూచుటయైనను ; పాపము = పాపకార్యము. 

తాత్పర్యము : పెదవి అయినా కదిలించకుండా, మంచిమాట చెప్పలేని వాడు మాట్లాడలేని చెవుడు, గుడ్డితనంలాగా అన్ని రోగాలతో నిండినవాడు పీనుగులాంటివాడు. అటువంటి వారిని సేవించడం దానికంటే.. చూడడంతోనే పాపాలు కలుగుతాయి.