Bsy Opens New Office

Posted: 05/18/2012 09:08 PM IST

Yadurappa ముఖ్యమంత్రి పదవి నుంచి వైదొలిగే సమయంలో అధిష్ఠానం తనకిచ్చిన హామీలను నిలబెట్టుకోలేదని యడ్యూరప్ప మరోసారి అధిష్ఠానంపై తీవ్ర అసంతృప్తి వ్యక్తం చేశారు. మల్లేశ్వరం పాత బీజేపీ కార్యాలయాన్ని పబ్లిక్ మీటింగ్ సెంటర్ కార్యాలయంగా ప్రారంభించిన అనంతరం శుక్రవారం ఆయన విలేకరులతో మాట్లాడారు.రాష్ట్ర బీజేపీలో చోటు చేసుకున్న పరిణామాల నేపథ్యంలో తనకు రాష్ట్ర బీజేపీ అధ్యక్ష పదవిని ఇవ్వనున్నట్లు హైకమాండ్ హామీ ఇచ్చిందన్నారు.

అయితే ఇచ్చిన హామీని నిలబెట్టుకోలేకపోవడం విచారకరమన్నారు. విధానసౌధలోనూ, గృహ కార్యాలయం కృష్ణలోనూ అధికారం చెలాయిస్తున్న నాయకులు ప్రజల సమస్యలను పట్టించుకోకపోవడంతో వారి కష్టాలను, సమస్యలను ఆలకించి వాటిని పరిష్కరించడానికే తాను నూతన కార్యాలయాన్ని ప్రారంభించానని చెప్పడం ద్వారా ముఖ్యమంత్రి సదానందగౌడపై తన అసంతృప్తి వెల్లగక్కారు.తాను కొత్తగా ప్రారంభించిన పబ్లిక్ మీటింగ్ సెంటర్ బీజేపీకి ప్రత్యామ్నాయ అధికార కేంద్రం కాదన్నారు. నూతన కార్యాలయాన్ని ప్రారంభించినందుకు ప్రత్యేక అర్థాలను ఆపాదించాల్సిన పనిలేదన్నారు