Tjac Celebrating Cheating Day

Posted: 12/23/2011 05:14 PM IST

Telangan-map పార్టీలకతీతంగా తెలంగాణవాదులు ఏకమై జెఎసి ఏర్పాటుకు బీజం వేశారు. కాలక్రమంలో జెఎసికి టిడిపి, కాంగ్రెస్‌ దూరమైనా... ఉద్యమం మాత్రం ఉధృతంగా సాగింది. శ్రీకృష్ణ కమిటీ పేరుతో తెలంగానాపై ఏడాది కాలయాపన చేసిన కేంద్రం...ఇప్పటికీ ఎలాంటి నిర్ణయం తీసుకోలేదు. సకల జనుల సమ్మెతో 42 రోజుల పాటు సకలం స్తంభించినా కేంద్రంలో పెద్దగా కదలిక రాలేదు. రెండేళ్ల పాటు ఉదృతంగా సాగిన ఉద్యమం... ఇప్పుడు కొంత చల్లబడ్డట్టు కన్పిస్తున్నా...ఇది తుఫాను ముందు ప్రశాంతతగానే తెలంగాణావాదులు భావిస్తున్నారు. తెలంగాణాకు వ్యతిరేకంగా ప్రకటన వచ్చిన డిసెంబర్‌ 23 ను నమ్మకద్రోహ దినంగా పేర్కొంటూ గ్రామగ్రామాన యుపిఎ శవయాత్రలకు జెఎసి పిలుపు ఇచ్చింది. ఈ నేపథ్యంలో కేంద్రం...త్వరలో ఓ నిర్ణయం వెలువరించనుందనే భావన సర్వత్రా వ్యక్తమవుతోంది. అయితే అది రాష్ర్టంలో ప్రకంపనలు రేపుతుందో...లేదా ప్రశాంతతకు కారణమౌతుందో వేచిచూడాలి.