దూసుకెళుతున్న టీఆర్ఎస్.. బండ కార్తీక రెడ్డి ఓటమి

Posted: 02/05/2016 05:31 PM IST

అందరూ ఎంతో ఉత్కంఠగా ఎదురు చూస్తున్న గ్రేటర్ ఎన్నికల ఫలితాల్లో ముందునుంచి ఊహించినట్లే.. టీఆర్ఎస్ దూసుకుపోతోంది. తొలి రౌండు నుంచి చాలా వరకు డివిజన్లలో టీఆర్ఎస్ తన ఆధిక్యాన్ని కనబరుస్తూ వచ్చింది. మెజారిటీ స్థానాల్లో టీఆర్ఎస్ అభ్యర్థులు తమ సమీప ప్రత్యర్థుల కంటే ముందంజలో ఉన్నారు. టీఆర్ఎస్ దాదాపు 100 సీట్లలో ఆధిక్యంలో ఉండగా.. ఎంఐఎ: సీట్లు తగ్గినట్లు కనిపిస్తోంది. టిడిపి, బిజెపెకి డబుల్ డిజిట్ కూడా దాటుతుందా అనే అనుమానం వ్యక్తమవుతోంది.

 జీహెచ్ఎంసీ ఎన్నికల్లో మాజీ మేయర్ బండ కార్తీకరెడ్డి పరాజయం పాలయ్యారు. తార్నాక డివిజన్ లో కాంగ్రెస్ అభ్యర్థిగా బరిలో నిలిచిన ఆమె.. టీఆర్‌ఎస్ అభ్యర్థి ఆలకుంట సర్వసతి చేతిలో ఓటమి పొందారు. మరోవైపు గ్రేటర్లో కారు జోరు కొనసాగుతోంది. ఇప్పటివరకూ అందిన సమాచారం ప్రకారం టీఆర్ఎస్ మొదటి స్థానంలో ఎంఐఎం రెండో స్థానంలో కొనసాగుతున్నాయి. ఆ తర్వాత స్థానాల్లో బీజేపీ-టీఆర్ఎస్ కూటమి ఉండగా, ఇక కాంగ్రెస్ నాలుగో స్థానంతో నిలిచింది.