Posted: 02/25/2013 09:14 AM IST

లష్కరే తాయిబా నుంచి రాసినట్టుగా భాజపా రాష్ట్ర అధ్యక్షుడు కిషన్ రెడ్డికి ఒక లేఖ అందింది.  అందులో సారాంశం- నాలుగు రోజుల క్రితం హైద్రాబాద్ దిల్ సుఖ్ నగర్ లో జరిగిన జంట బాంబు పేలుళ్ళకు బాధ్యత వాళ్ళదే నని, వాళ్ళ పని ఇంకా పార్తయిపోలేదని, ఈ సారి బేగం బజార్ ని లక్ష్యంగా భీభత్సాన్ని సృష్టిస్తామని.  ఆ లేఖను కిషన్ రెడ్డి పోలీసులకు అందజేసి దాని మీద ఫిర్యాదు చేసారు. 

ఈ సందర్భంగా మాట్లాడుతూ, అసలు హైద్రాబాద్ ని అడ్డాగా చేసుకుని ఉగ్రవాద చర్యలను కొనసాగించటానికి వాళ్ళకి మద్దతును ఎవరిస్తున్నారో కనిపెట్టాలని, వాళ్ళకి అవసరమైన బ్యాంక్ ఎకౌంట్లు, పాస్ పోర్టులు, ఓటర్ ఐడిలు ఇవన్నీ సమకూరుస్తున్నవారెవరో తెలియాలని అన్నారు. ఆయారామ్ గయారామ్ లాగా కేంద్రం నుంచి వచ్చి పోవటం, దాడుల మీద సమాచారాన్ని రొటీన్ గా తీసుకున్నామని ముఖ్యమంత్రి కిరణ్ కుమార్ రెడ్డి అనటం, ఇది చాలా చిన్న సంఘటన అని బొత్సా అనటం అంతా సిగ్గుచేటు వ్యవహారంలా కనిపిస్తోందని కిషన్ రెడ్డి విమర్శించారు. 

-శ్రీజ