వంట చేసేటప్పుడు ప్రెజర్ కుక్కర్ తో జాగ్రత్త

Posted: 04/03/2015 05:33 PM IST

ప్రస్తుతరోజుల్లో ప్రెజర్ కుక్కర్ వాడకం ఎక్కువైపోయింది. అయితే.. కొందరికి దీనిని ఎలా వాడాలో పూర్తిగా తెలియదు. ముఖ్యంగా వంట చేసే సమయంలో ఈ ప్రెజర్ కుక్కర్ తో చాలా జాగ్రత్తగా వుండాలి. లేకపోతే.. ఎన్నో ప్రమాదాలను చవిచూడాల్సి వస్తుంది. మనం చేసే ఒక చిన్న తప్పిదం ప్రాణాలమీదుకు తీసుకొచ్చే ప్రమాదం వుంది కాబట్టి.. దీనిని ఎంతో జాగ్రత్తగా హ్యాండిల్ చేయాలి.

వంట చేసేటప్పుడు పాటించాల్సిన నియమాలు :

* ప్రెజర్ కుక్కర్ నాజిల్ ను సరిగ్గా శుభ్రపరచకుంటే.. అక్కడ దుమ్ము, ధూళి చేరిపోతుంది. ఈ విధమైన కుక్కర్ తో ఏదైనా వంట చేసేటప్పుడు.. నాజిల్ దగ్గరున్న దుమ్ము ఆవిరిని బయటకు రాకుండా చేస్తాయి. అలాంటి సమయాల్లో ఆవిరి తీవ్రత ఎక్కువై కుక్కర్ పగిలే ప్రమాదం వుంది.

* వంట చేసేటప్పుడు కుక్కర్ విజిల్ రాలేదనే ఉద్దేశంతో చాలామంది తమ ముఖాన్ని ఆ విజిల్ కు దగ్గరగా వుంచి పరిశీలిస్తారు. అలా చేసేటప్పుడు కొన్నిసార్లు విజిల్ చాలా వేగంగా, బలంగా పైకి వచ్చి.. మన ముఖంపై తీవ్ర గాయాలు చేసే ప్రమాదముంది కాబట్టి.. చాలా జాగ్రత్తగా వుండాలి.

* పూర్తి వంట అయిపోయిన తర్వాత కొందరు వెంటనే కుక్కర్ మూతను తెరుస్తారు. అలా ఒక్కసారిగా తెరిస్తే.. దాని లోపలున్న ఆవిరి ఒక్కసారిగా ముఖం, చేతులు మీద పడే అవకాశం వుంది. అప్పుడు తీవ్రంగా కాలే ప్రమాదముంది కాబట్టి.. అలా చేయకుండా జాగ్రత్తగా వుంటే చాలు!

* ముఖ్యంగా కుక్కర్ విజిల్ ని అమర్చేటప్పుడు జాగ్రత్తలు పాటిస్తే.. ఎటువంటి ప్రమాదాలు జరగవు.