సాయి పల్లవి-నాని గొడవ నిజమేనా?

Posted: 10/03/2017 04:44 PM IST

కేరళలో ప్రేమమ్ చిత్రంతో సెన్సేషన్ అయిన సాయి పల్లవి ఫస్ట్ చిత్రంతో ఇక్కడి ఆడియన్స్ ను కూడా ఫిదా చేసి పడేసింది. యాక్టింగ్ పరంగా మంచి మార్కులు వేయించుకున్న ఆమె ఇప్పుడు తెలుగులో బిజీ హీరోయిన్ లలో ఒకరు. హీరో నానితోపాటు, రవితేజతో ఓ మూవీ.. మరో యంగ్ హీరో మూవీలో సెకండ్ హీరోయిన్ రోల్ ఇలా ఒక్క తెలుగులోనే కాదు, కోలీవుడ్ మాలీవుడ్ లోనూ వరుస చిత్రాలతో గడిపేస్తోంది.

అయితే చిత్రంలోని హీరోలతో తరచూ కఠవుగా ఆమె ప్రవర్తిస్తోందంటూ కంప్లైంట్ లు వినిపిస్తున్నాయి. ఫిదా చిత్ర సమయంలోనూ వరుణ్ ఏదో విషయంలో విభేధించిన ఆమె చివరకు శేఖర్ కమ్ముల సర్ది చెప్పటంతో సమసిపోయింది. ఇక ఇప్పుడు మళ్లీ నానితో కూడా గొడవ పడిందని చెబుతున్నారు. వీరిద్దరు కలిసి ఎంసీఏ చిత్రంలో నటిస్తున్న విషయం తెలిసిందే. తాజాగా ఓ అయిదు రోజుల క్రితం షూటింగ్ సందర్భంగా ఓ డైలాగుకు సంబంధించి సాయి పల్లవికి నాని ఓ సలహా ఇవ్వబోవటం.. ఇదే వీరిద్దరి మధ్య గొడవకు కారణమయిందట.

వీరిద్దరి మధ్య సయోధ్య కుదర్చాలని నిర్మాత ప్రయత్నించినా... కుదరలేదట. ప్రస్తుతం వీరిద్దరూ కలసి ఏదో ఒక విధంగా షూటింగ్ పూర్తి చేసేసి... మాట్లాడుకోకుండానే వెళ్లిపోతున్నారట. అయితే, కాస్త ఆలస్యంగా బయటకు వచ్చింది. అయితే ఆ విషయంలో క్లారిటీ లేకపోయినా.. సాయి కాస్త కంట్రోల్ లో ఉంటే మంచిదని సలహా ఇస్తున్నారు. మరోవైపు నటి కీర్తి సురేశ్ కూడా పెద్ద హీరోల చిత్రాల కోసం చిన్న హీరోల చిత్రాలకు షూటింగ్ లను లైట్ తీస్కుందన్న కంప్టైంట్ ఆ మధ్య వినిపించింది.