Posted: 02/18/2013 08:29 PM IST

సిమ్స్ డిపాజిటర్లు ఆశ, నిరాశల మద్య కొట్టుమిట్టాడుతున్నారు. ఫిర్యాదు చేస్తే డిపాజిట్ చేసిన సొమ్ము తిరిగిరాదోమోనని ఆందోళన వ్యక్తం చేస్తున్నారు. గతంలో ఇటువంటి సంస్థలు మోసం చేసినప్పుడు పోలీసులకు ఫిర్యాదు చేసినా ఒరిగిందేమీ లేదని వారు భావిస్తున్నారు. సిమ్స్ సంస్థకు ఉన్న భూములు డిపాజిటర్లకు రిజ్రిస్టేషన్ చేస్తే కొంతవరకూ ప్రయోజనం ఉంటుందని ఆశిస్తున్నారు. ఇప్పటికిప్పుడే ఫిర్యాదు చేస్తే ప్రయోజనం ఉండకపోగా, ఫిర్యాదును ఆధారంగా చేసుకుని అధికారులు సిమ్స్ ఆస్తులను సీజ్ చేస్తే అసలుకే ఎసరు వస్తుందని, అటువంటప్పుడు పోలీసులకు ఫిర్యాదు చేయడం ఎందుకని మరి కొంత మంది ఆలోచిస్తున్నారు. దీంతో శనివారం సాయంత్రం వరకూ సిమ్స్ డిపాజిటర్లు పోలీసులకు ఫిర్యాదు చేయడానికి ముందుకు రాలేదు.