అంతు చూస్తాను: బాబు - ఉద్యమం ఆగదు : అశోక్‌

Posted: 09/11/2013 07:51 PM IST

కృష్ణా జిల్లాలో టీడీపీ అధినేత చంద్రబాబు నాయుడు ఆత్మగౌరవ యాత్రలో వైసీపీ నేతలు సమైక్య నిదాలు చేశారు. దీనిపై బాబు తీవ్ర స్థాయిలో ధ్వజమెత్తారు. పిచ్చి వేశాలు వేస్తే సహించేది లేదన్నారు. తాము తలుచుకుంటే మీ పార్టీ నేతలు ఇంట్లో నుంచి బయటకు రాలేరని హెచ్చరించారు. సమైక్యం పేరుతో కాంగ్రెస్‌తో కలిసి నాటకాలు ఆడుతున్నారని మండిపడ్డారు. తెలంగాణ బీజం వేసింది వైఎస్సే అని ఆయన తెలిపారు. మీ నాయకుడు జైల్లో ఉన్నా మీకు సిగ్గు లేదని, గట్టిగా మాట్లాడితే అంతు చూస్తామని చంద్రాబాబు హెచ్చరించారు.

 

ఉద్యమం ఆగదు : అశోక్‌బాబు

ఈనెల 16న సమైక్య ఉద్యమంపై హైకోర్టు తీర్పు ఎలా ఉన్నా తమ ఉద్యమం ఆగదని ఏపీఎన్జీవో అధ్యక్షుడు అశోక్‌బాబు స్పష్టం చేశారు. కోర్టు తీర్పు తర్వాత సమావేశమై చర్చించుకుంటామన్నారు. నేటి అర్థరాత్రి నుంచి 30 వేల మంది విద్యుత్ ఉద్యోగులు సమ్మెలో పాల్గొంటారని అశోక్‌బాబు తెలిపారు. సమ్మెలో 13 జిల్లాలో అన్ని రంగాల ఉద్యోగులు పాల్గొననుట్లు ఆయన ప్రకటించారు. ఈనెల 13న కేంద్ర ప్రభుత్వ కార్యాలయాల ఎదుట ధర్నా, 14 మహిళా ఉద్యోగుల ర్యాలీకి అశోక్‌బాబు పిలుపునిచ్చారు. సమైక్యాంధ్రలో ఏపీఎన్జీవోల సమ్మె నుంచి ఆర్టీసీని మినహాయించాలని మంత్రి బొత్స తమను కోరారని, సమ్మె విరమణ కుదరదని తేల్చిచెప్పినట్లు ఆర్టీసీ ఉద్యోగ జేఏసీ నేత దామోదర తెలిపారు. రూ.5 కోట్ల నష్టంలో ఆర్టీసీ ఉందన్నారు. ఆర్టీసీని ప్రభుత్వ పరిధిలోకి తీసుకోవాలని మంత్రిని కోరినట్లు ఆయన చెప్పారు.